JYL QORYTYNDYSY: 2015 jyldyń basty kadrlyq aýys-túıisi
Este bolsa, taıaýda ǵana otandyq telearnalarǵa suhbat bergen Elbasy Nursultan Nazarbaev kadrlyq sheshim qabyldaýda ishki sezimge jıi senim artatyndyǵyn aıtqan bolatyn. «Á degende árıne, tájirıbege júginesiń. Taǵaıyndaıtyn adamdardy bilesiń, istep júrgenin, kimniń qalaı ekenin. Bárin tarazyǵa salyp, qaısysy degen kez shynymdy aıtsam men úshin eń qıyn másele osy. Birinshiden, ózim taǵaıyndaǵan azamattardyń sol jumysty isteı almaı, jumystan bosatqan kezde qınalamyn. Sebebi onyń ózin ǵana emes, balalaryn, aǵaıyn-týǵandaryn oılaımyn. Mynanyń aıaǵy shalys ketip, barlyǵy qınalady-aý dep, mynany qazir jumystan alyp tastasam, ózi de, barlyǵy da qınalady-aý dep oılaımyn. Odan keıin naq taýyp, dóp taýyp, erteń jumys istep ketetini qaısysy eken dep, oǵan da qatty qınalatynym ras. Al endi tıisti adamdy taýyp, ornyna qoıý ol da az sheshim emes», - degen edi QR Prezıdenti.
Aıta keterligi, aǵymdaǵy jyly ótken kezekten tys Prezıdenttik saılaýda Elbasy Nursultan Nazarbaev aıqyn jeńiske jetkennen keıin elimizdiń Mınıstrler kabıneti, Prezıdentke tikeleı baǵynystaǵy jáne oǵan esep beretin memlekettik organdar basshylary, Astana men Almaty qalalarynyń jáne oblystardyń ákimderi óz ókilettikterin doǵarǵan bolatyn. Biraq sol kúni, QR Prezıdenti Premer-Mınıstr qyzmetine Kárim Másimovtiń kandıdatýrasyn usynyp, ony Parlament Májilisiniń depýtattary biraýyzdan qoldady. Dál osy kúni N.Nazarbaevtyń Jarlyǵymen Úkimettiń burynǵy qurama qaıta 100 paıyz qalpynda jasaqtalyp, Astana men Almatynyń jáne oblystardyń ákimderi de óz qyzmetterin saqtap qaldy.
Osy jyldaǵy tosyn kadrlyq aýys-túıistiń biri Darıǵa Nazarbaevanyń elimizdiń Premer-Mınıstriniń orynbasary qyzmetine taǵaıyndalýy bolǵany anyq. 1963 jyly 7 mamyrda Qaraǵandy oblysynyń Temirtaý qalasynda dúnıege kelgen Darıǵa Nursultanqyzy «Habar» agenttiginiń prezıdenti, Dırektorlar keńesiniń tóraıymy, ІІІ saılanǵan Qazaqstan Respýblıkasy Parlamenti Májilisiniń Respýblıkalyq «Asar» partııasynyń tizimi boıynsha saılanǵan depýtaty, «Qazaqstan Respýblıkasy Tuńǵysh Prezıdentiniń Qory» Qoǵamdyq qorynyń dırektory bolǵan. 2012 jyly Qazaqstan Respýblıkasy Parlamenti Májilisi Áleýmettik-mádenı damý komıtetiniń tóraıymy boldy. 2014 jylǵy 3 sáýirden Qazaqstan Parlamenti Májilisiniń vıtse-spıkeri, sondaı-aq "Nur Otan" partııasy fraktsııasynyń jetekshisi qyzmetin atqardy. «Parasat» jáne ІІ dárejeli «Barys» ordenderimen jáne Frantsýz Respýblıkasynyń Ádebıet jáne óner ordenimen, medaldarmen marapattalǵan. Aǵylshyn, ıtalıan, nemis tilderin meńgergen.
Al D.Nazarbaevaǵa deıin elimizdiń Úkimet basshysynyń orynbasary bolǵan Berdibek Saparbaev Aqtóbe oblysynyń ákimi bolyp taǵaıyndaldy. Ekonomıka ǵylymdarynyń doktory, professor B.Saparbaev 1953 jyly Qyzylorda oblysynyń Jańaqorǵan aýdanynyń Besaryq aýylynda dúnıege kelgen. Ońtústik Qazaqstan oblysynyń ákimi, QR Kedendik baqylaý agenttiginiń tóraǵasy, QR Qarjy vıtse-mınıstri - QR Qarjy mınıstrliginiń Kedendik baqylaý komıtetiniń tóraǵasy QR Premer-Mınıstr Keńsesi Basshysynyń orynbasary - QR Parlamentindegi Úkimet Ókili, QR Ekonomıka jáne bıýdjettik josparlaý vıtse-mınıstri, QR Eńbek jáne halyqty áleýmettik qorǵaý mınıstri, Shyǵys Qazaqstan oblysynyń ákimi qyzmetterin atqarǵan bolatyn.
B.Saparbaevqa deıin Aqtóbe oblysyn basqarǵan Arhımed Muhambetov Qostanaı oblysynyń ákimi qyzmetine kiristi. 1972 jyly 6 maýsymda Aqtóbe oblysy Alǵa aýdanynda dúnıege kelgen. Samara memlekettik tehnıkalyq ýnıversıteti men Qazaq-orys halyqaralyq ýnıversıtetin támamdaǵan. Eńbek jolyn Aqtóbe qalasynyń kommertsııalyq qurylymdarynda bastaǵan. Aqtóbe oblysynyń syrtqy-ekonomıkalyq baılanys jáne ınvestıtsııalar basqarmasynyń bastyǵy, «Shaǵyn kásipkerlikti damytý qory» AQ óńirlik dırektory, Aqtóbe qalasy ákiminiń orynbasary, Aqtóbe qalasynyń ákimi qyzmetterin atqardy. 2011 jylǵy 22 shildesinen bastap Aqtóbe oblysynyń ákimi boldy.
Elbasy N.Nazarbaevtyń Jarlyǵymen Beıbit Bákiruly Atamqulov Ońtústik Qazaqstan oblysynyń ákimi bolyp taǵaıyndaldy. 964 jyly 19 mamyrda Almaty oblysynda dúnıege kelgen ol biraz jyl elimizdiń sheteldegi elshilikterinde jumys istegen. Qazaqstan Respýblıkasynyń Malaızııa Respýblıkasyndaǵy Tótenshe jáne Ókiletti Elshisi bolǵan. Jańa qyzmetke taǵaıyndalǵanǵa deıin QR Indýstrııa jáne jańa tehnologııalar mınıstrliginiń Jaýapty hatshysy qyzmetin atqarǵan.
Buǵan deıin Ońtústik Qazaqstan oblysyna basshylyq jasaǵan Asqar Myrzahmetov «Nur Otan» partııasy Tóraǵasynyń birinshi orynbasary bolyp taǵaıyndalǵan edi. Ol 1962 jyly dúnıege kelgen. Aýyl sharýashylyǵy jáne ekonomıkalyq mamandyqtary boıynsha bilim alǵan. Aýyl sharýashylyǵy ǵylymdarynyń kandıdaty. QR Aýyl sharýashylyǵy vıtse-mınıstri, birinshi vıtse-mınıstri jáne Aýyl sharýashylyǵy mınıstri laýazymdarynda qyzmet atqarǵan. Elimizdiń Ózbekstan Respýblıkasyndaǵy Tótenshe jáne ókiletti elshisi. «Ońtústik» Áleýmettik kásipkerlik korporatsııasy» Ulttyq kompanııasy» Aktsıonerlik qoǵamyn basqarǵan.
«Nur Otan» partııasy Tóraǵasynyń birinshi orynbasary qyzmetin atqarǵan Baýyrjan Baıbek Almaty qalasynyń ákimi bolyp taǵaıyndaldy. Baýyrjan Qydyrǵalıuly Baıbek 1974 jyly 19 naýryzda Almaty qalasynda týǵan. «Bolashaq» baǵdarlamasy boıynsha Gete ınstıtýtyn, «Bolashaq» baǵdarlamasy boıynsha Lıýbek qalasyndaǵy Joǵary mektepti, Ortalyq Azııa ýnıversıtetin bitirgen. QR Prezıdenti Ákimshiligi Júıeli zertteýler ortalyǵynyń sarapshysy, QR Prezıdenti Hattamasynyń aqparat pen taldaý sektorynyń meńgerýshisi, 2004 jyldan - bas ınspektory, Hattama jetekshisi, QR Prezıdenti Ákimshiligi jetekshisiniń orynbasary qyzmetterin atqarǵan.
Al Almatynyń burynǵy ákimi Ahmetjan Esimov «ASTANA EKSPO-2017» UK« AQ basqarmasynyń tóraǵasy qyzmetine keldi. 1950 jyly 15 jeltoqsanda Almaty oblysynda dúnıege kelgen ol Qazaq aýyl sharýashylyǵy ınstıtýtyn, Reseı qoǵamdyq ǵylymdar akademııasyn bitirgen. Ekonomıka ǵylymdarynyń doktory. QR Premer-mınıstriniń orynbasary, QR Bas hatshysy, QR Premer-mınıstriniń birinshi orynbasary - Memlekettik qarjy salymdar komıtetiniń tóraǵasy, QR Prezıdent Ákimshiliginiń jetekshisi, QR-nyń Benılıýks memleketterindegi Tótenshe jáne Ókiletti Elshisi, QR aýyl sharýashylyǵy mınıstri, QR Premer-mınıstriniń orynbasary bolǵan.
Osy jyldyń ishinde elimizdiń kúsh-qýat qurylymdarynda da kadrlyq aýys-túıis oryn aldy. Atap aıtqanda, «Syrbar» syrtqy barlaý qyzmetiniń dırektory bolyp Ǵabıt Baıjanov taǵaıyndaldy. 1963 jyly dúnıege kelgen ol QR Ulttyq qaýipsizdik qyzmeti «Barlaý» qyzmeti dırektorynyń orynbasary, «Syrbar» syrtqy barlaý qyzmeti dırektorynyń birinshi orynbasary bolǵan.
Búgin Elbasy Nursultan Nazarbaev Ulttyq qaýipsizdik komıtetinde onyń tóraǵasy Nurtaı Ábiqaevty zeınet jasyna jetýine jáne basqa jumysqa aýysýyna baılanysty laýazymynan bosatý týraly sheshim qabyldaǵanyn aıtyp, onyń ornyna Vladımır Jumaqanovtyń taǵaıyndalǵanyn jarııa etti. Vladımır Zeınollauly Jumaqanov jańa laýazymǵa taǵaıyndalǵanǵa deıin Qazaqstan Respýblıkasy Ulttyq qaýipsizdik komıteti tóraǵasynyń birinshi orynbasary qyzmetinde bolǵan. Ol 1982 jyldan qaýipsizdik organdarynda jumys isteıdi. QR UQK Departamentinde bólim bastyǵynyń orynbasary, bólim bastyǵy, basqarma bastyǵy, Departament bastyǵynyń orynbasary, QR UQK tóraǵasynyń keńesshisi, QR UQK Lańkestikke qarsy kúres departamentiniń bastyǵy qyzmetterin atqarǵan. Ulttyq qaýipsizdik komıtetiniń general-leıtenanty.
Taıaýda Elbasy Jarlyǵymen QR Memlekettik qyzmet isteri jáne sybaılas jemqorlyqqa qarsy is-qımyl agenttigi eki bólinip, Memlekettik qyzmet isteri mınıstrligi jáne onyń qurylymynda Sybaılas jemqorlyqqa qarsy is-qımyl ulttyq bıýrosy qurylǵan bolatyn. Atalǵan mınıstrlikke basshy bolyp Talǵat Sovetbekuly Donaqov taǵaıyndaldy. T.Donaqov 1965 jyly týǵan. S.M.Kırov atyndaǵy Qazaq memlekettik ýnıversıtetin, KSRO Ǵylym akademııasyndaǵy Memleket jáne quqyq ınstıtýtynyń aspırantýrasyn bitirgen. Mamandyǵy boıynsha - zańger. Zań ǵylymdarynyń kandıdaty ǵylymı ataǵy bar, aǵylshyn tilin meńgergen. Prezıdent Ákimshiliginiń Memlekettik quqyq bóliminiń sektor meńgerýshisi, bólim meńgerýshisiniń orynbasary, bólim meńgerýshisiniń birinshi orynbasary laýazymdarynda qyzmet atqardy. Ádilet birinshi vıtse-mınıstri, Prezıdent Ákimshiliginiń Memlekettik quqyq bóliminiń meńgerýshisi, Qazaqstan Respýblıkasy Joǵary Sot Keńesiniń Tóraǵasy laýazymdaryna taǵaıyndalǵan. 2008 jylǵy qazannan Qazaqstan Respýblıkasy Prezıdentiniń Ákimshiligi Basshysynyń orynbasary boldy. Al jańadan qurylǵan Sybaılas jemqorlyqqa qarsy is-qımyl ulttyq bıýrosynyń basshylyǵyna Qaırat Perneshuly Qojamjarov keldi. Ol 1965 jyly týǵan. A.Jdanov atyndaǵy Lenıngrad memlekettik ýnıversıtetin bitirgen. QR prokýratýrasynyń organdarynda qyzmet etken. Aqtóbe oblysy boıynsha Ekonomıkalyq qylmysqa jáne sybaılas jemqorlyqqa qarsy kúres departamentiniń bastyǵy, QR Ekonomıkalyq qylmysqa jáne sybaılas jemqorlyqqa qarsy kúres agenttigi Tóraǵasynyń orynbasary boldy. 2008 jylǵy jeltoqsan aıynan bastap Qazaqstan Respýblıkasy Ekonomıkalyq qylmysqa jáne sybaılas jemqorlyqqa qarsy kúres agenttiginiń tóraǵasy qyzmetin atqardy. Keıin Aqmola oblysyn basqardy. Jańa qyzmetke taǵaıyndalǵanǵa deıin QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń tóraǵasy qyzmetin atqardy. Qarjy polıtsııasynyń general-maıory.
QR Ulttyq bank Tóraǵasy qyzmetine 1976 jyly týǵan Danııar Talǵatuly Aqyshev taǵaıyndaldy. Ol uzaq jyldar boıy Ulttyq bank júıesinde jumys istep, basqarma bastyǵy, departament dırektory, bank tóraǵasynyń orynbasary syndy qyzmet joldarynan ótken. Jańa qyzmetke taǵaıyndalǵanǵa deıin QRPrezıdenti Ákimshiliginiń áleýmettik-ekonomıkalyq monıtorıng bóliminiń meńgerýshisi bolǵan.
QR Ulttyq bankiniń burynǵy tóraǵasy Qaırat Kelimbetov Qazaqstan Prezıdenti Nursultan Nazarbaevtyń Jarlyǵymen «Astana» halyqaralyq qarjy ortalyǵynyń basqarýshysy qyzmetine taǵaıyndaldy. 1969 jyly 28 qańtarda Almaty qalasynda dúnıege kelgen. QR Ekonomıka jáne bıýdjettik josparlaý mınıstri, «Qazyna» ornyqty damý qory» aktsıonerlik qoǵamynyń basqarma tóraǵasy, QR Prezıdenti Ákimshiliginiń Basshysy, «Samuryq-Qazyna» ulttyq ál-aýqat qory» aktsıonerlik qoǵamynyń basqarma tóraǵasy QR Ekonomıkalyq damý jáne saýda mınıstri, QR Premer-mınıstriniń orynbasary qyzmetterin atqarǵan.