Jyl basynda strestik aktıvter kólemi 2,3 trln teńge boldy - Mádına Ábilqasymova

NUR-SULTAN. QazAqparat - 2017 jyldan bastap tólemge qabiletsiz 8 banktiń lıtsenzııasy qaıtaryldy. Bul týraly Senattyń jalpy otyrysynda strestik aktıvter naryǵyn damytý máseleleri boıynsha ózgerister týraly zań jobasyn talqylaý kezinde QR Qarjy naryǵyn retteý jáne damytý agenttiginiń tóraǵasy Mádına Ábilqasymova málim etti, dep habarlaıdy QazAqparat tilshisi.

Zań jobasynyń negizgi maqsaty - strestik aktıvterdiń ótimdi naryǵyn damytý jáne olardy ekonomıkalyq aınalymǵa tartý úshin jaǵdaı jasaý.

«2017 jyldan bastap jekelegen bankterdiń qarjylyq ornyqtylyǵyn arttyrý baǵdarlamasy iske asyrylyp jatyr. Baǵdarlama iske asyrylǵan sátten bastap 977 mlrd teńgege qosymsha provızııa qalyptastyryldy, 1,4 trln teńgege problemalyq qaryzdar esepten shyǵaryldy jáne 5,4 trln teńgege jańa qaryzdar berildi», - dedi M. Ábilqasymova.

Sonymen qatar ol 2017 jyldan bastap agenttik tólemge qabiletsiz 8 banktiń lıtsenzııasyn qaıtaryp alǵanyn aıtty.

«2017-2021 jyldar aralyǵynda qabyldanǵan sharalar nátıjesinde jalpy 6,7 trln teńge somaǵa strestik aktıvter esepten shyǵaryldy. 2022 jylǵy 1 qańtardaǵy jaǵdaı boıynsha strestik aktıvter mólsheri 2,3 trln teńgeni nemese bank júıesi aktıvteriniń 6% qurady», - dedi agenttik basshysy.