Jyl basynan zeınetaqy jarnalarynyń ınvestıtsııalyq tabysy 821 mlrd teńge boldy

NUR-SULTAN. QazAqparat – Biryńǵaı jınaqtaýshy zeınetaqy qorynyń zeınetaqy aktıvteri bıylǵy shildede 42 mlrd teńgege artty. Bul týraly Úkimet otyrysynda bıylǵy jeti aıdaǵy áleýmettik-ekonomıkalyq damýdy talqylaý kezinde Ulttyq bank tóraǵasy Erbolat Dosaev aıtty, dep habarlaıdy QazAqparat tilshisi.

«Biryńǵaı jınaqtaýshy zeınetaqy qorynyń zeınetaqy aktıvteri bıylǵy shildede 42 mlrd teńgege nemese 12,8 trln teńgege deıin 0,3 paıyzǵa ulǵaıdy. Azamattardyń zeınetaqy jınaqtarynyń bir bóligin alý qarqyny 5,3 ese baıaýlady. Bıylǵy jylǵy 31 shildede azamattardyń oryndalǵan ótinimderiniń sany 1 685 mlrd teńge somasyna 403 myń ótinimdi qurady, onyń 98,2%-y turǵyn úı jaǵdaılaryn jaqsartýǵa baǵyttaldy», - dedi E. Dosaev.

Onyń aıtýynsha, bıylǵy jyldyń basynan beri zeınetaqy jarnalarynyń ınvestıtsııalyq tabysy 821 mlrd teńgeni qurady. Nátıjesinde, ınflıatsııa 5,3% kezinde 6,5%, 12 aıda ınflıatsııa 8,4% kezinde 10,6% deńgeıindegi kiristilik qamtamasyz etildi.