Jyl basynan mańǵystaýlyq jasóspirimder 3,3 myń ret zań buzǵan

AQTAÝ. QazAqparat - Mańǵystaý oblysynda bıylǵy jyl basynan kámeletke tolmaǵan jasóspirimder 3367 ret quqyq buzýshylyqqa barǵan, dep habarlaıdy QazAqparat tilshisi.

Atap aıtqanda, 3200 jasóspirim túngi ýaqytta zańdy ókilderiniń erip júrýinsiz oıyn-saýyq mekemelerinde nemese turǵynjaıdan tys jerde bolǵan. Bul úshin jaýapkershilik QR Ákimshilik kodeksiniń 442-babynda qarastyrylǵan. Aıta keteıik, bul kórsetkish ótken jylmen salystyrǵanda 5,5% tómen.

«Taǵy 64 jasóspirim usaq buzaqylyq jasaǵany úshin jáne 85 jasóspirim túngi mezgilde oıyn-saýyq ortalyqtarynda ýaqyt ótkizgeni úshin esepke alyndy. Ata-analary QR Ákimshilik quqyq buzýshylyq týraly kodekstiń 132-baby boıynsha jaýapkershilikke tartyldy», - delingen Mańǵystaý oblystyq Polıtsııa departamentiniń málimetinde.