Jyl basynan eńbek ınspektorlary 8,9 myńnan astam jumyskerdiń quqyǵyn qorǵady
11:03, 08 Maýsym 2021
NUR-SULTAN. QazAqparat - Aǵymdaǵy jylǵy 1 maýsymdaǵy jaǵdaı boıynsha Memlekettik eńbek ınspektorlary respýblıkanyń 498 kásipornynda 10,6 myń jumyskerdiń aldynda 1 mlrd 936 mln teńgeden astam somaǵa jalaqy boıynsha bereshekti anyqtady, dep habarlaıdy QazAqparat QR Eńbek jáne halyqty áleýmettik qorǵaý mınıstrliginiń baspasóz qyzmetine silteme jasap.
Osy kásiporyndardyń basshylaryna oryndalýy mindetti 517 nusqama berilip, 59,1 mln teńgeden astam somaǵa aıyppul salyndy.
Qabyldanǵan sharalar, sonyń ishinde jalaqy boıynsha bereshekti óteýdiń qatań kesteleri men merzimderin belgileý nátıjesinde 8,9 myńnan astam jumyskerdiń quqyqtary qorǵaldy. Olarǵa 1 mlrd 728 mln teńge tólendi.