Jyl basynan beri «Temir baba» kedendik beketinen 80 myńnan astam adam ótken
«Jeke tulǵalarǵa keletin bolsaq, jyl basynan beri Qazaqstanǵa 41 myń adam kirgen, týra osynsha kólemdegi adamdar shekaradan syrtqa shyqqan. Júk tasymalyna keletin bolsaq, 3 myń 943 júk kóligi kirip, 3 myń 89 kólik shyqqan. Bizdiń bekette taýar aınalymy asa úlken emes. Sol sebepti munda ekonomıkalyq qylmystar sany da az. Munda negizinen ákimshilik materıaldardy tirkeımiz. Mundaı materıaldar sany 37 ret tirkeldi. Sońǵy ret biz úlken oqıǵa retinde 27 myń 900 dollardy deklaratsııadan ótkizbeı alyp bara jatqan Túrkmenstan azamatshasymen baılanysty oqıǵany tirkedik. Atalmysh qarjy 33 jasar áıeldiń júgin tekserý kezinde tabyldy. Sonymen qatar ótkizý baqylaý beketindegi «tanymal» taýarlardyń qatarynda sıgaretter men qosalqy bólshekter bar»,-dedi «Temir baba» kedendik beketiniń jetekshisi Ablaı Qazbaev.
«Temir baba» beketine jaqyn ornalasqan eldi mekenderdiń biri - Jańaózen qalasy 175 km aımaqta ornalasqan.