Jyl basynan beri sybaılas jemqorlyqqa qarsy qyzmet 54 laýazymdy tulǵany qamaýǵa alǵan
Sybaılas jemqorlyqqa qarsy is-qımyl agenttiginiń asa mańyzdy ister jónindegi tergeýshisi Danııar Bekaıdarov Antikor ortalyǵynda ótken brıfıngide osyndaı málimet aıtty.
«Jyl basynan beri sybaılas jemqorlyqqa qarsy qyzmet 581 sotqa deıingi tergeýdi tirkedi. 57 laýazymdy tulǵa ustalyp, 54 adamǵa qatysty qamaýǵa alý túrindegi bultartpaý sharasy qoldanyldy», - dedi agenttik ókili.
Agenttiktiń málimeti boıynsha, jyldyń alǵashqy 2 aıynda sybaılas jemqorlyqqa qarsy qyzmet memlekettik organdarǵa qylmystyq quqyq buzýshylyq jáne basqa da zań buzýshylyqtar jasaýǵa yqpal etken mán-jaılardy joıý boıynsha 155 usynys engizgen.
Sol usynystardy qaraý nátıjesinde 87 adam tártiptik jáne ákimshilik jaýapkershilikke tartylsa, baqylaýdyń joqtyǵy jáne zańdylyqtyń buzylýyna jol bergeni úshin ártúrli deńgeıdegi 30 basshy sógis, 10 basshy qatań sógis, 7 basshy qyzmetke tolyq sáıkes emestigi týraly eskertý alǵan. Dál osyndaı olqylyq jibergeni úshin 3 jumystan bosatylyp, 2 basshynyń laýazymy tómendetilgen.