Jyl basynan beri sybaılas jemqorlyq boıynsha 570 adam sottaldy

NUR-SULTAN. QazAqparat – Sybaılas jemqorlyqqa qarsy qyzmet jyl basynan beri 772 isti sotqa joldaǵan. Sondaı-aq kinási dáleldengen 570 adam sottalǵan, dep habarlaıdy QazAqparat tilshisi.

Sybaılas jemqorlyqqa qarsy is-qımyl agenttiginiń asa mańyzdy ister boıynsha tergeýshisi Danııar Begaıdarov Antikor aqparat alańynda osyndaı málimet keltirdi.

«Sybaılas jemqorlyqqa qarsy qyzmet 2021 jyldyń ótken kezeńinde 1038 sotqa deıingi tergep-tekserýdi tirkedi, onyń 772-si sotqa jiberildi. Atalǵan qylmystyq ister boıynsha 135 laýazymdy tulǵa ustaldy, 122 adamǵa qatysty «kúzetpen ustaý» jáne 29 adamǵa qatysty «úıqamaq» bultartpaý sharalary qoldanyldy», - dedi agenttiktiń asa mańyzdy ister boıynsha tergeýshisi.

Onyń sózine qaraǵnada, jyl basynan beri sybaılas jemqorlyq qylmystyq ister boıynsha 570 adam sottalǵan. Onyń ishinde 138 adam para alǵany úshin, 237 adam para bergeni úshin, 12 adam deldaldyq úshin, 78 adam alaıaqtyq úshin, 42 adam urlyq úshin, 42 adam laýazymdyq ókilettikterin teris paıdalanǵany úshin, 11 adam bılikti nemese laýazymdyq ókilettikterin asyra paıdalanǵany úshin jaýapqa tartylǵan.

«Bas bostandyǵynan aıyrýǵa – 172 adam, bas bostandyǵyn shekteýge – 56 (qalǵandary shartty merzimge jáne jazasyn óteýdi keıinge qaldyra otyryp - 8), para somasynan birneshe eselengen aıyppuldarǵa 330 adam tartyldy. Aıyppuldardyń jalpy somasy shamamen 1,9 mlrd teńge boldy», - dedi Danııar Begaıdarov.