Jyl basynan beri shekarany 4,5 myńǵa jýyq adam zańsyz kesip ótpek bolǵan

ASTANA. QazAqparat – Ulttyq qaýipsizdik komıteti tóraǵasynyń orynbasary – Shekara qyzmetiniń dırektory Erlan Aldajumanov Senat kýlýarynda jyl basynan beri shekarany 4,5 myńǵa jýyq adam zańsyz kesip ótpek bolǵanyn aıtty, dep habarlaıdy QazAqparat tilshisi.

«Bıylǵy І toqsanda shekarany zańsyz kesip ótpek bolǵan 4,5 myńǵa jýyq adam ustaldy. Bul búkil shekara qyzmeti boıynsha jınaqtalǵan málimet. Olardyń shekarany buzý áreketteri túrli sıpatta boldy. Onyń ishinde bizdiń elge kirmek bolǵandar da, bizden shyǵyp ketpek bolǵandar da bar. Shekaramyzǵa zańsyz ótý áreketteri negizinen kórshiles memleketterden tirkeldi. Aýǵanstan, Sırııa memleketterinen ótpek bolǵandar joq. Pákistannan bir adam boldy. Mundaı tulǵalar Qazaqstan aýmaǵyn ádette tranzıt retinde, Eýropa elderine shyǵý úshin paıdalanady. Olardyń báriniń ústinen qylmystyq is qozǵap, anyqtaımyz da, ekstradıtsııalaımyz», - dedi Erlan Aldajumanov.