Jyl basynan beri respýblıkalyq bıýdjetke 1,9 trln teńge kiris kirdi
«Osy jyldyń 4 aıynda memlekettik bıýdjetke transfertterdi esepke almaǵanda 3 trln 217 mlrd teńge kóleminde kiris kirdi nemese jospar 117% atqaryldy. Respýblıkalyq bıýdjetke 1,9 trln somasynda kiris tústi nemese jospar 106,7% oryndaldy. Kirister boıynsha jospar 120 mlrd teńgege, onyń ishinde salyq 88 mlrd teńgege asyra oryndaldy», - deıdi Erlan Jamaýbaev.
Onyń aıtýynsha, asyra oryndaý negizinen ımportqa salynatyn qosylǵan qun salyǵy, munaıǵa eksporttyq keden bajy jáne korporatıvtik tabys salyǵy esebinen qamtamasyz etildi.
«Importqa salynǵan qosymsha qun salyǵy boıynsha jospardyń asyra oryndalýy birinshiden, ótken jylǵy І toqsanmen salystyrǵanda úshinshi eldermen ımport kóleminiń 9,4% ulǵaıýyna baılanysty boldy. Bul rette QHA-dan ımport aǵymdaǵy jyly І toqsanda 47,4%-ǵa nemese 525 mln dollarǵa, onyń ishinde tek naýryz aıynda 2,2 esege nemese 348 mln dollarǵa artty. Eýrazııalyq eonomıkalyq odaq elderinen ımporttalǵan avtokólik quraldarynyń sanynyń 24,3% ulǵaıýyna baılanysty. Shıki munaıǵa eksporttar keden bajynyń mólsherlemesiniń ulǵaıýyna baılanysty boldy. Korparıtıvtik tabys salyǵynyń asyra oryndalýynyń negizgi sebebi – pandemııanyń ekonomıkaǵa keri áser etýine baılanysty ótken jyldyń salyq baǵasynyń tómen bolýy», - deıdi ol.