Jyl basynan beri prokýratýraǵa joldanatyn ótinishter 13%-ǵa ósken
Bas prokýrordyń birinshi orynbasary T. Táshimbaevtyń tóraǵalyǵymen ótken keńeske barlyq quqyq qorǵaý jáne arnaıy organdardyń basshylary jáne beınebaılanys arqyly tıisti jergilikti qurylym basshylary qatysty.
Atalyp ótkendeı, ótken jyly sottar shyǵaratyn jeke qaýlylardyń sany 28,8%-ǵa tómendegen. Sonymen qatar, bıylǵy jyldyń basynan beri azamattardyń qadaǵalaý organyna joldaǵan ótinishteri 13%-ǵa ósken.
Keńeste qylmystyq qýdalaý organdaryna jetkizý, tintý, elimizden tys jerge shyǵýǵa shekteýler jáne buqaralyq aqparat kózderinde sotqa deıingi tergep-tekserý týraly málimetterdi kórsetýler kezindegi jıi jiberiletin zań buzýshylyqtar egjeı-tegjeıli talqylandy.
Shara sońynda birqatar sheshimder qabyldandy, onyń ishinde qylmystyq protseste azamattar men kásipkerlerdiń quqyqtaryn jáne bostandyqtaryn qorǵaýdy kúsheıtýge baǵyttalǵan qoldanystaǵy zańnamaǵa ózgerister engizýge bastama jasaý máselesi qaraldy.