Jyl basynan beri Ózbekstanǵa 900 myńnan astam qazaqstandyq týrıst barǵan

TAShKENT. QazAqparat – Ózbekstanda jyl basynan beri sheteldik týrıster aǵyny 2 ese artyp, eldiń týrıstik salasy qalpyna kelýde, dep habarlaıdy QazAqparat menshikti tilshisi.

Ózbekstan Respýblıkasy Memlekettik statıstka komıtettiniń málimetinshe, 2022 jylǵy 8 aıda elge týrsıtik maqsatpe 3 mln shetel azamaty kelgen. Bul ótken jylǵy kórsetkishten 2 ese kóp.

Barlyq sheteldik týrısterdiń úshten bir bóligin, ıaǵnı 922,7 myń adamdy Qazaqstan azamattary qurady. Sondaı-aq týrıstik aǵyn kóshbasshylarynyń úshtigine Ózbekstanmen kórshiles elder Qyrǵyzstan men Tájikstan kirdi. Bul elderden Ózbekstanǵa sáıkesinshe 821,9 myń týrıst jáne 814,5 myń adam kelgen.

Reseı Federatsııasynan kelgen qonaqtar sany 316,9 myń adamdy qurady. Alys shetelderden 124 myń týrıst kelgen, onyń ishinde Túrkııadan – 45,8 myń qonaq, Ońtústik Koreıadan – 10,9 myń, Germanııadan – 10,3 myń, AQSh-tan 7,8 myń adam barǵan.

Buǵan deıin habarlanǵandaı, Ózbekstan turǵyndary men qonaqtarynan 14-17 qyrkúıekte Shanhaı yntymaqtastyq uıymynyń sammıtin ótkizýge baılanysty Samarqanǵa barmaý suraldy.