Jyl basynan beri «Nurly jol» baǵdarlamasynyń aıasynda 4 myńǵa jýyq arendalyq páter paıdalanýǵa berildi - «Báıterek» UBH
22:36, 16 Qyrkúıek 2015
ASTANA. QazAqparat - «Báıterek» holdıngi «Nurly jol» baǵdarlamasynyń aıasynda jyl basynan beri shamamen 4 myń arendalyq páterdiń paıdalanýǵa engizilýin qamtamasyz etti.
«Qazirgi ýaqytta «Báıterek» holdıngi Astana, Almaty, Shymkent, Aqtóbe, Kókshetaý, Qostanaı, Semeı, Taraz, Qaraǵandy, Aqtaý, Taldyqorǵan jáne Qyzylorda qalalarynda aýmaǵy 226,4 myń sharshy metr 3 983 páterdiń paıdalanýǵa berilýi men údestirilýin qamatamyz etip otyr. Jyl sońyna deıin qosymsha taǵy 3 myńnan astam páterdiń engizilýi iske asyrylady», - delingen holdıngtiń taratqan baspasóz habarlamasynda.
Jalpy alǵanda Qazaqstan boıynsha 95,7 mlrd. teńgege aýdany 633,5 myń sharshy metrdi quraıtyn 11 myńnan astam páterdi satyp alý men salý kelisimderine qol qoıyldy. Sonyń ishinde 2015 jyly jalpy aýdany 415,3 myń sharshy metr 7 014 arendalyq páterdi engizý josparlanyp otyr.