Jyl basynan beri Qostanaı oblysynda qylmys deńgeıi 18,1%-ǵa qysqardy

QOSTANAI. QazAqparat – Qostanaı oblysynyń prokýratýrasy bıylǵy birinshi jartyjyldyqtaǵy jumysyn qorytyndylady, dep habarlaıdy QazAqparat tilshisi.

«Oblys ákimdigimen jáne ýákiletti organdarymen birlesip qabyldanǵan quqyq buzýshylyqtardyń aldyn alý jónindegi keshendi sharalardyń nátıjesinde óńirdegi qylmys deńgeıi 18,1%-ǵa, ıaǵnı 3 704-ten 3 032-ge deıin qysqardy. Oblys prokýratýrasynyń bastamasy boıynsha óńirde qaıtalama qylmystyń sany men deńgeıin tómendetýge baǵyttalǵan «Stop-retsıdıv» jobasy iske asyrylýda. Nátıjesinde retsıdıvtik qylmystar 30%-ǵa (240-tan 170-ke deıin), probatsııa qyzmetiniń esepke alynatyn adamdary 25%-ǵa (51-den 38-ge deıin) jáne shartty túrde merziminen buryn bosatylǵan adamdar 15%-ǵa (13-ten 11-ge deıin) qysqardy», - dep málim etti Qostanaı oblystyq prokýratýrasynyń baspasóz qyzmetinen.

Sonymen qatar, jyl basynan beri sottalǵan 206 adam jumysqa ornalastyrylyp, 452 qostanaılyqqa áleýmettik jáne ózge de kómek kórsetilgen.