Jyl basynan beri koronavırýs juqtyrǵan qazaqstandyqtardyń sany 250 myńǵa jetti
«Respýblıkada koronavırýs ınfektsııasy boıynsha epıdemıologııalyq jaǵdaı kúrdeli, biraq sońǵy aptada aldyńǵy aptamen salystyrǵanda jaǵdaı turaqtanyp keledi.
Jyl basynan beri respýblıkada 250 myńnan astam adam koronavırýs ınfektsııasymen aýyrdy, sońǵy aptadaǵy jaǵdaılardyń ortasha táýliktik kórsetkishi 8 myńǵa deıin jetti», - dedi vedomstvo basshysy.
Onyń sózine qaraǵanda, epıdahýaldy baǵalaý matrıtsasynda búkil respýblıka jáne 14 óńir «qyzyl» aımaqta tur. Qyzylorda oblysy men Shymkent qalasy «sary» aımaqqa ótip, Túrkistan oblysy «jasyl» aımaqqa shyqty.
Qańtar aıynda KVI-dan ólim-jitim deńgeıi jeltoqsanmen salystyrǵanda 1,3 esege tómendegen.
«Sońǵy eki aptada koronavırýs ınfektsııasymen syrqattanýshylyq deńgeıi 2,4 ese ósti. Bul rette aýrýdyń eń kóp ósýi Soltústik Qazaqstan, Aqmola, Qostanaı jáne Shyǵys Qazaqstan oblystarynda baıqalady (6 ese).
Syrqattanýshylyq 7 óńirde: Batys Qazaqstan, Qaraǵandy, Aqtóbe, Jambyl, Almaty, Atyraý oblystarynda jáne Almaty qalasynda 2-den 6 esege deıin ósti. Mańǵystaý, Túrkistan, Qyzylorda oblystarynda jáne Nur-Sultan jáne Shymkent qalalarynda 2 esege deıin ósim baıqaldy», - dedi Ajar Ǵınııat.
Osyǵan baılanysty, mınıstr jergilikti atqarýshy organdarǵa halyqtyń arasynda KVI profılaktıkasy sharalary týraly aqparattyq-túsindirý jumystaryn jalǵastyrý qajettigin aıtty.