Jyl basynan beri kólik-logıstıka salasyna salynǵan ınvestıtsııa 1 trıllıon teńgeden asty

ASTANA. QazAqparat – Osy jyldyń qańtar-qazan aılarynda qoıma jáne kólik salasyna salynǵan ınvestıtsııalar 1,1 trln teńgeni qurady. Bul ótken jyldyń sáıkes kezeńimen salystyrǵanda qundyq mánde 11,6%-ǵa artyq (naqty kólemniń ósimi 8,5%-ǵa kóp), dep habarlaıdy QazAqparat Finprom-ǵa silteme jasap.

2021 jyldyń uqsas kezeńinde sektorǵa salynǵan ınvestıtsııa 978 mlrd teńgeni quraǵan bolatyn. Bir jylda 1,9%-ǵa artqan.

Óńirlik bóliniste kólik-logıstıka sektoryndaǵy ınvestıtsııalardyń eń kóp kólemi – Almatyda. Onda kórsetkish – 155,2 mlrd teńge, jyldyq ósim — qundyq mánde birden 45,2%-ǵa kóbeıgen. Kóshbasshylar úshtigine Atyraý (149,5 mlrd teńge, jyldyq ósim 2,9 ese kóp) jáne Almaty (111,6 mlrd teńge, jyldyq ósim 24,6%-ǵa az) oblystary da kirdi.

Saladaǵy ınvestıtsııalardyń aıtarlyqtaı ósimi Atyraý oblysynda tirkeldi.

Sektordaǵy eń kóp kólemdegi ınvestıtsııa kásiporyndardyń óz qarajaty esebinen qamtamasyz etildi. Kórsetkish 614,7 mlrd teńgeni nemese 56,3%-dy quraıdy.

Respýblıkalyq bıýdjet qarajaty esebinen ınvestıtsııalar 223,3 mlrd teńgeni (bir jylda 22%-ǵa kóp), jergilikti bıýdjet qarajaty esebinen -114,9 mlrd teńgeni (bir jylda 9,3%-ǵa az) qurady. Banktik emes qaryz qarajaty 50,1%-ǵa, ıaǵnı 102,1 mlrd teńgege deıin qysqardy. Banktik qaryzdar, kerisinshe, 3,1 esege, 36,4 mlrd teńgege deıin ulǵaıdy.