Jyl basynan beri Qazaqstan men Vengrııa arasyndaǵy saýda aınalymy 80 mln dollardy qurady
«Búginde Qazaqstanda vengr kapıtalynyń qatysýymen negizinen qurylys, saýda jáne óndiris sektorlaryndaǵy shamamen 50 ortaq kásiporyn sátti qyzmet etýde. Eki eldiń saýda-ekonomıkalyq yntymaqtastyǵyn keńeıtýdiń úlken áleýeti bar. Ázirge ol tolyqtaı paıdalanylyp jatqan joq», - dedi T. Jaqsylyqov.
Vıtse-mınıstrdiń aıtýynsha, 2015 jyly Qazaqstan men Vengrııa arasyndaǵy syrtqy saýda aınalymy 102 mln dollardy qurady, al aǵymdaǵy jyldyń 8 aıynyń qorytyndysy boıynsha shamamen 80 mln dollardy qurady. Eki eldiń tabysty yntymaqtastyǵyn nyǵaıtý úshin barlyq jaǵdaı jasaldy. Eki el arasynda strategııalyq keńes quryldy, ekonomıkalyq yntymaqtastyq boıynsha úkimetaralyq komıssııa, iskerı keńes, sonymen qatar, 40 mln dollar somasyna aýyl sharýashylyǵy jobalaryn qarjylandyrýdyń ortaq qory jumys isteıdi. Ekonomıka salasyndaǵy ekijaqty halyqaralyq quqyqtyq sharttyq bazanyń negizgi elementteri qalyptastyrylǵan, dep jazady primeminister.kz.
«Bıznes forým aıasyndaǵy kelisimder saýda-ekonomıkalyq jáne ınvestıtsııalyq yntymaqtastyqty damytýǵa jańa serpin beredi degen úmittemiz. Biz jandandyrýdyń, energetıka, farmatsevtıka, mashına jasaý, kommýnıkatsııa, aýyl sharýashylyǵy mashınasyn jasaý, aýyl sharýashylyǵy jáne tamaq ónerkásibi salalaryndaǵy yntymaqtastyqty damytýdyń múmkindikteri zor dep esepteımiz», - dedi T. Jaqsylyqov.
Qazaqstan-Vengrııa bıznes forýmy Qazaqstan Respýblıkasy men Vengrııanyń saýda-ekonomıkalyq jáne ınvestıtsııalyq yntymaqtastyǵyn jalǵastyryp, ony ári qaraı nyǵaıtýdy kózdeıdi. Forým aıasynda qazaqstandyq jáne vengrlik kásipkerler arasynda dástúrli ekijaqty kezdesýler ótkiziledi. Munda ekonomıkanyń farmatsevtıka, medıtsınalyq jabdyq, aýyl sharýashylyǵy, mashına jasaý, tamaq ónerkásibi, logıstıka, AKT sııaqty sektorlaryndaǵy yntymaqtastyqtyń keleshegi talqylanatyn bolady.