Jyl basynan beri elimizde kólik apatynan 400-ge jýyq adam qaza boldy
2014 jyldyń 3 aıyndaǵy jol-kólik oqıǵalaryn jáne odan zardap shekken adamdardy esepke alý málimetterine sáıkes, Respýblıka boıynsha barlyǵy 3 782 JKO tirkelgen, al 2013 jyldyń uqsas kezeńinde 3 157 JKO tirkelgen bolatyn. Osylaısha, ótken jyldyń uqsas kezeńimen salystyrǵanda ústimizdegi kezeńde tirkelgen jol-kólik oqıǵalarynyń sany 19,8 %-ǵa artqany baıqalady», - delingen habarlamada.
Eger árbir oblys bóliginde qaraıtyn bolsaq, onda kóptegen jol-kólik oqıǵalarynyń sany Almaty qalasynda - 1 289 (762), Ońtústik Qazaqstan - 549 (447), Almaty - 344 (269), Shyǵys Qazaqstan - 239 (223), Jambyl - 220 (253) oblystarynda kóbirek ekendigi baıqalady.
«Jol-kólik oqıǵalarynyń oryn alǵan deńgeıin baǵalasaq, onda kópshiligi eldi-mekenderde jasalǵan - 3119, olardan 146 adam qaza tapty. Joldarda jáne tas joldarda - 663 JKO tirkeldi, olardan 224 adam qaza tapty. Jalpy, Respýblıka boıynsha jaǵdaı ótken jyldyń uqsas kezeńimen salystyrǵanda tómendegideı kórinis tabady. Jol-kólik oqıǵalarynda 383 (460) adam qaza tapty jáne 4 728 (4 054) adam jaralandy. Bul rette, qaza bolǵandardyń eń kóp sany Almaty - 85 (72), Ońtústik Qazaqstan - 54 (80), Jambyl - 39 (58), Shyǵys Qazaqstan - 35 (24) oblystarynda jáne Almaty qalasynda - 24 (18) tirkeldi», - dep jazady vedomstvonyń baspasóz qyzmeti.