Jyl basynan beri elimizde adam saýdasymen baılanysty 203 qylmys áshkerelendi
Bul týraly búgin «Adam saýdasyn toqtataıyq!» atty aktsııa aıasynda jýrnalıstermen baspasóz máslıhatyn ótkizgen «Qazaqstandaǵy daǵdarys ortalyqtary» zańdy tulǵalar birlestiginiń basqarma tóraıymy Zúlfııa Baısaqova málim etti.
Onyń aıtýynsha, búginde elde adam saýdasymen baılanysty qylmystar kóptep oryn alýda. Soǵan qaramastan bul máselege qoǵam tarapynan jetkilikti deńgeıde kóńil bólinbeı otyr.
«Adam saýdasyn toqtataıyq!» sııaqty aktsııa uıymdastyrýdaǵy basty maqsat ta - osy, ıaǵnı qalyń kópshiliktiń adam saýdasymen baılanysty máselelerge nazaryn aýdarý. Jalpy kúndelikti ómirde mundaı máselelermen azamattar kezdesip jatady. Soǵan qaramastan olardyń kópshiligi osyndaı oqıǵalar jaıly quzyrly organdarǵa habarlasýǵa ynta tanyta bermeıdi. Biz búgingideı sharalar arqyly elimizdiń ár azamaty adam saýdasyna qatysty máseleniń bar ekenine, al kez-kelgen azamat onyń jolyn kesýge yqpal ete alatyndyǵyn jetkizgimiz keledi», - deıdi basqarma tóraıymy.
Sondaı-aq baspasóz máslıhatynda eldegi adam saýdasymen baılanysty ahýaldy saraptaǵan Іshki ister mınıstrligi Krımınaldyq polıtsııa komıtetiniń jedel ýákili Qaratorǵaı Begalınniń aıtýynsha, bıylǵy jyly tártip saqshylary anyqtaǵan adam saýdasymen baılanysty 203 qylmystyń 148-i sotqa joldanyp, 93 is boıynsha sottyń úkimi shyǵyp úlgergen. «Sonymen qatar bıyl adam saýdasymen baılanysty árketterden zardap shekken 55 adam anyqtaldy. Olardyń 6-ýy shet memleketterdiń azamattary. Al adamdardy shet memleketterge saýdalaý áreketi tirkelmegen», - dedi jedel ýákil.