Jyl basynan beri elimizde 171 adam sýǵa batyp ketken
«Jyl basynan beri elimizdiń sý aıdyndarynda 171 adam sýǵa batyp ketti. Onyń ishinde 58 bala bar. Ótken jyly dál osy kezeńde 297 adam sýǵa ketken edi. Onyń 104-i balalar bolatyn. Bıyl eresekter ólimi - 42 paıyzǵa, al balalardyń ólimi 45 paıyzǵa azaıdy», - dep jaýap berdiń mınıstrlik tilshi saýalyna oraı.
Vedomstvo keltirgen derekterge sáıkes, bıylǵy jarty jylda sýǵa batyp bara jatqan 192 adam qutqarylǵan. Onyń ishinde 56 búldirshin bar.
«2022 jylǵy 1 maýsymnan beri sýǵa batyp bara jatqan 163 adam, onyń ishinde 45 bala qutqaryldy. Byltyr da osy ýaqyt aralyǵynda 163 adam qutqarylǵan bolatyn», - dep habarlady quzyrly organ QazAqparat tilshisiniń saýalyna jaýap bere otyryp.
Mınıstrlik aqparatyna qaraǵanda, sýǵa batyp, kóz jumǵandar týraly derekter kóbine Almatyda (21 adam) tirkelgen. Sondaı-aq, Aqtóbede 16 jáne Qostanaı óńirinde 15 adam sýǵa batyp ketken. Qaıtys bolǵan azamattar 13-17 jáne 26-35 jas aralyǵyndaǵy el turǵyndary.
Vedomstvo qaıǵyly oqıǵalardyń negizgi sebepterin de jarııalady. Oǵan saı, jyl basynan beri júzý bilmegen - 35, al óz kúshin durys baǵalaı almaǵan 56 adam sýǵa batyp ketken.
Qaıǵyly jaǵdaılardy boldyrmas úshin, Tótenshe jaǵdaılar mınıstrligi sýǵa túsý orynarynda saqtyq sharalaryn qatań saqtaýǵa shaqyrady. Vedomstvo ruqsat belgisi joq jerlerge sýǵa túsýge, qaıyqtardan sekirýge jáne balalardy úlkenderdiń qaraýynsyz qaldyrmaýǵa úndedi.