Jyl basynan beri Bas prokýratýra 450 zańsyz tekserýdiń aldyn alǵan

ASTANA. QazAqparat - QR Bas prokýratýrasy kásipkerlerge zańsyz tekserýdi taǵaıyndaǵandardy jaýapkershilikke tartty. Bul týraly «Atameken» Ulttyq kásipkerler palatasynyń Kásipkerlerdi qorǵaý jónindegi keńesiniń otyrysynda QR Bas prokýratýrasynyń Áleýmettik-ekonomıkalyq saladaǵy zańdylyqty qadaǵalaý departamenti basshysynyń orynbasary Meıram Taýtenov málim etti.

«Tekserýlerdiń josparly túrinen bas tartý men memleket tarapynan qabyldanǵan sharalar kásipkerlerdi tekserý deńgeıin aıtarlyqtaı tómendetýge yqpal etti. Eger de úsh jyl buryn aıyna ortasha alǵanda 35 myń tekserý tirkelse, 2010 jyly bul kórsetkish 45 myńnan asyp túsken edi», - dep toqtaldy ol.

M. Taýtenovtyń sózine qaraǵanda, búginde tekserýler sany 9 myńnan aspaıdy.

«2015 jyldyń ótken kezeńinde 715 tekserýdi tirkeýden bas tartylyp, 450 zańsyz tekserýdi taǵaıyndaýǵa jol berilmedi. Osy oraıda kináli adamdar jaýapkershilikke tartyldy»,-dedi ol.