Jyl basynan beri bala tárbıesine beı-jaı qaraǵan 6 myń ata-ana jaýapqa tartyldy
12:10, 21 Tamyz 2023
ASTANA. QazAqparat – Jyl basynan beri bala tárbıleý boıynsha óz mindetin oryndamaǵan 6 myńnan astam ata-ana jaýapkershilikke tartyldy. Іshki ister mınıstrliginde ótken brıfıngide Ákimshilik polıtsııa komıtetiniń erekshe tapsyrmalar jónindegi aǵa ınspektory Leıla Álipbaeva osylaı málimdedi, dep habarlaıdy QazAqparat tilshisi.
«Kóbine balalar ata-anasynyń erip júrýinsiz, úıden tys jáne oıyn-saýyq oryndarynda bolǵany úshin ustalady. Osyndaı áreketi úshin jyl basynan beri 64 myńnan astam ata-ana ákimshilik jaýapkershilikke tartyldy. Oıyn-saýyq oryndarynyń 1,5 myń ıesi kámeletke tolmaǵandardy túngi ýaqytta mekemelerde bolýyna jol bergeni úshin ákimshilik jazaǵa tartyldy. Kámeletke tolmaǵandardy beıimdeý ortalyǵyna qaraýsyz qalǵan 2,5 myń bala jetkizildi. Bala tárbıleý boıynsha óz mindetin oryndamaǵany úshin 6 myńnan astam ata-ana jaýapkershilikke tartyldy», - dep málim etti Leıla Álipbaeva vedomstvonyń baspasóz alańynda ótken brıfıngide.
Sonymen birge aǵa ınspektor bıyl jasóspirimder jasaǵan qylmystar sany 11 paıyzǵa óskenin atap ótti.