Jyl basynan beri Air Astana ushaqtaryna 100 márte qus soǵyldy

ALMATY. QazAqparat – Búgin Air Astana kompanııasynyń Almaty-Aqtóbe baǵytyndaǵy KS 864 reısi qonatyn kezde ushaqtyń temperatýrany baqylaý qurylǵysyna qus kirip ketti. Bul týraly atalǵan kompanııanyń baspasóz qyzmetinen málim etti, dep habarlaıdy QazAqparat tilshisi.

«Búgin Almaty-Aqtóbe KS 864 reısin oryndaǵan Airbus A321 ushaǵynyń qorshaǵan orta temperatýrasyn baqylap otyratyn dachıgine qus túsip ketti. Jyl basynan beri Air Astana kompanııalar tobynyń ushaqtary osymen 100 ret qustarǵa soǵyldy. A320 áýe kemesin tekserýge jiberilgen ınjenerdiń arqasynda keri qaıtýy tıis Aqtóbe-Almaty reısi bir saǵattan aspaıtyn ýaqytqa keshikti», - dep málim etti Air Astana kompanııasynyń baspasóz qyzmetinen.

Sonymen qatar búgin taǵy bir osyǵan uqsas jaǵdaı týraly habarlap edik.

Onda qonýǵa bet alǵan Antalıa-Aqtóbe baǵytyndaǵy FlyArystan kompanııasynyń ushaǵynyń shassıine qus kirip ketti.

Osy oqıǵaǵa balanysty Aqtóbe-Atyraý baǵytyndaǵy KS 7292 reısi shamamen 3 saǵat 50 mınýtqa keshikti. Al Atyraý-Aqtaý-Atyraý baǵytyndaǵy KC7275/7276 reısi 15 saǵatqa keshigýi múmkin.

Budan bólek, 29 tamyzda Almatydan Nur-Sultanǵa ushyp bara jatqan ushaqtyń qos birdeı qozǵaltqyshyna qustar kirip ketken bolatyn. Degenmen avıakompanııa qoný shtatty rejımde ótkenin habarlady.

Foto: t.me/PR_AirAstana