Jyl basynan beri 785 qazaqstandyq koronavırýstan qaıtys boldy

NUR-SULTAN. QazAqparat – Elimizde jarty jyldyń ishinde 785 adam koronavırýs saldarynan mert boldy. Atalǵan statıstıkany QR Densaýlyq saqtaý vıtse-mınıstri Vıacheslav Dýdnık jarııa etti, dep habarlaıdy QazAqparat tilshisi.

«Bıyl 6 aıda KVI-dan 785 adam qaıtys boldy. Ólim-jitim kóbinese qańtar-aqpan aıynda boldy. Atap aıtqanda, qańtarda koronavırýs saldarynan 311 adam qaıtys boldy, aqpanda - 411, naýryzda - 54, sáýirde - 3, mamyrda - 3, maýsymda - 1 jáne shilde aıynda 3 patsıent mert boldy», - dedi Vıacheslav Dýdnık ortalyq kommýnıkatsııalar qyzmeti alańynda ótken baspasóz máslıhatynda.

Sondaı-aq, elimizdiń bas memlekettik sanıtarlyq dárigeri koronavırýstan qaıtys bolǵandar týraly statıstıkanyń kúndelikti jarııalanbaýyna qatysty túsinik berdi.

«Maýsymnan bastap koronavırýs boıynsha ólim-jitim azaıdy. Statıstıkany kúndelikti jarııalaýdyń qajeti joq. Koronavırýs juqtyryp, arty ólimge alyp kelgen jaǵdaılarǵa qatysty málimet boıynsha mınıstrlikke júginýge bolady», - dedi Aıjan Esmaǵambetova brıfıngide.

Aıta keteıik, buǵan deıin A. Esmaǵambetova maımyl sheshegi vırýsynyń qaýpine qatysty jaǵdaıdy baıandap ótken edi.