Jyl basynan beri 7 áskerı qyzmetshi men 2 kýrsant sýıtsıd jasaǵan
«Bıyl kelisimshart boıynsha jumys istegen 7 áskerı qyzmetker óz-ózine qol saldy. Ókinishke qaraı, odan bólek 2 kýrsant sýıtsıd jasady. Olar áskerı ınstıtýtta qurlyq áskerleri men radıoelektronıka jáne baılanys mamandyǵynda oqydy. Bireýi demalysta júrgende mert boldy, sebep - mahabbat. Al ekinshisi ata-anasymen túsinispeýshilikten sýıtsıd jasaǵan. Bireýi besinshi kýrsta, ekinshisi birinshi kýrsta oqyp jatty», - dedi Sultan Qamaletdınov Májilis qabyrǵasynda BAQ ókilderiniń saýalyna jaýap bere turyp.
Sondaı-aq, vıtse-mınıstr áskerdegi sýıtsıdke kim jaýapty degen saýalǵa pikir bildirdi.
«Bul jerde ár sýıtsıdtik jaǵdaıdy bólek qaraý kerek. Otbasylyq-turmystyq, qarjylyq problemalardyń saldarynan jasalǵan sýıtsıd negizinen kelisimshart boıynsha áskerı qyzmetshiler men ofıtserler arasynda bolady. Bul jerde komandırlerdiń kinási joq. Al áskerı mindetin óteýshi sarbazdar úshin komandırler tolyq jaýapty», - deıdi mınıstrdiń orynbasary.
Buǵan deıin S. Qamaletdınov qumar oıynǵa áýes 11 áskerı qyzmetshiniń jumystan shyǵarylǵany týraly aıtqan edi.