Jyl basynan beri 6 myńnan astam astanalyq oqýshy koronavırýspen aýyrdy

NUR-SULTAN. QazAqparat – 2022 jyl bastalǵaly Nur-Sultan qalasynda 6186 mektep oqýshysy COVID-19-ǵa shaldyqty. Bul týraly Nur-Sultan qalasynyń bas memlekettik sanıtar dárigeri Sarqyt Beısenova málim etti, dep habarlaıdy QazAqparat tilshisi.

«Jyl bastalǵaly elordada 6186 oqýshy koronavırýsqa shaldyǵyp, emdeldi. Onyń ishinde 526 oqýshy sabaqty dástúrli formatta oqıdy. 3333 oqýshy onlaın formatta bilim alǵan. Jáne 2219 mektep oqýshysy KVI-di kanıkýl kezinde juqtyrǵan. Qazirgi tańda qaladaǵy 24 mektepte karantın sharalary júrip jatyr. Sebebi ol mektepterdiń 38 synybynda koronavırýs indetine shaldyqqan oqýshylar bar»,- dedi S. Beısenova elorda ákimdiginde ótken onlaın brıfıngte.

Odan bólek, bas sanıtar dáriger vaktsına alǵannan keıin koronavırýsqa shaldyǵýǵa qatysty túsinik berdi.

«Vaktsına alǵannan keıin indetke shaldyǵý jáne koronavırýsqa qaıta shaldyǵý boıynsha bizde statıstıka bar. Ol boıynsha patsıentter arasynda arnaıy saýalnama júrgiziledi. Bıyl jyl basynan beri elordada 11596 adam KVI-ge qaıta shaldyqqan. Sondaı-aq, vaktsına alyp koronavırýspen aýyrǵan 5226 jaǵdaı tirkeldi. Onyń ishinde ekpeniń birinshi komponentin alǵan 986 adam, ekinshi komponetti saldyrǵan 4240 adam jáne revaktsınadan ótken 72 patsıent atalǵan indetke shaldyqqan», - deıdi ol.