Jyl basynan beri 500-den astam mal urysy ustaldy
«Jyl basynan beri 500-den astam mal urysy jáne 60 qylmystyq top ustaldy. Pavlodar oblysynda 1 uıymdasqan qylmystyq toptyń joly kesildi», - dedi Qudııar Nurseıitov mınıstrliktiń baspasóz qyzmeti alańynda ótken brıfıngte.
Máselen, onyń dereginshe, osy jyldyń 22 sáýirinde ІІM Krımınaldyq polıtsııa departamenti uıymdastyrǵan arnaıy operatsııa nátıjesinde quramynda 5 adam bar óńiraralyq qylmystyq top ustaldy. Olar Pavlodar, Shyǵys Qazaqstan jáne Qaraǵandy oblystarynyń aýmaǵynda mal urlyǵynyń 6 faktisin jasaǵany anyqtaldy. Kúdiktiler 167 bas mal urlap, 77 mln teńgeden astam shyǵyn keltirgen.
«Taǵy bir mysal, Túrkistan oblystyq polıtsııa departamenti qyzmetkerleri 2022 jyldyń kókteminen bastap Saryaǵash jáne Keles aýdandarynyń aýmaǵynda jylqy jáne iri qara mal urlyǵymen aınalysqan 4 adamnan turatyn qylmystyq topty áshkerledi. Ustalǵandardyń 18 mal urlaý faktisi dáleldendi. Olar quny 12 mln teńgeden asatyn 26 bas mal urlaǵan», - dedi ol.