Jyl basynan beri 23 330 turǵyn úı paıdalanýǵa berildi
«2022 jylǵy qańtar-naýryz aılarynda qurylys salasynda naqty kólem ındeksi 108,6 paıyzdy qurady. Oń dınamıka Túrkistan, Aqtóbe, Pavlodar jáne Soltústik Qazaqstan oblystarynan basqa 13 óńirde baıqalady. Turǵyn úı qurylysynda bıyl birinshi toqsanda 2 878 myń sharshy metr baspana paıdalanýǵa berildi. Bul - 2021 jyldyń sáıkes kezeńimen salystyrǵanda 100,4 paıyzǵa teń. Búgingi tańda respýblıka boıynsha barlyǵy 23 330 turǵyn úı paıdalanýǵa berildi. Ótken jylmen salystyrǵanda tıisti kórsetkish elimizdiń 15 óńirinde artty. Bıyl 15,1 mln sharshy metr turǵyn úı salý josparlanǵan», - dedi mınıstr.
Sonymen qatar ol osy jyldyń úsh aıynda kólik salasynda naqty kólem ındeksi 109,3 paıyzdy quraǵanyn aıtty.
«Tranzıttik konteınerlik tasymalda oń dınamıka saqtaldy. Kórsetkish 262 myń jıyrma fýnttyq balamany qurady. Ósim 7 paıyz boldy. Kóliktiń barlyq túrimen júk tasymaldaý kólemi 849,2 mln tonnany qurady. Bul ótken jyldyń sáıkes kezeńimen salystyrǵanda 4,1 paıyzǵa joǵary», - dedi Qaıyrbek Óskenbaev.