Jyl basynan beri 12 adamdy poıyz basyp ketken

NUR-SULTAN. QazAqparat – Bıylǵy jeti aıda temirjoldarda 12 adam basý oqıǵasy tirkeldi. Sonyń 8-i ólimmen aıaqtaldy, dep habarlaıdy QazAqparat «Qazaqstan temir joly» UK» AQ baspasóz qyzmetine silteme jasap.

«10 jaǵdaıda zardap shekkender temirjoldy ruqsat etilmegen

jerden, jaqyndap kele jatqan poıyz aldynan kesip ótpek bolǵan. Bir

jaǵdaı – óz-ózine qol salý. Taǵy bir jaǵdaıda, temir jolmen kele jatqan adam qulaqqappen mýzyka tyńdaǵan.

Poıyz mashınısteri qańtar-shilde aralyǵynda temir joldaǵy qaıǵyly

jaǵdaılardyń aldyn alý úshin 118 shuǵyl tejeý qoldandy. Onyń ishinde,

stantsııalarda 30 retten artyq, al aralyqtarda 80 ret.

Temir jol ótkelderinde 16 jol-kólik oqıǵasy boldy. Avtomobıldiń lokomotıvpen soqtyǵysýynyń barlyq jaǵdaıy avtokólik quraldary júrgizýshileriniń kinásinen.

Poıyzdar jyldamdyǵy saǵatyna 120-140 km jetedi, tejegish joldyń uzyndyǵy 800-1000 metrden asady, sondyqtan lokomotıv brıgadalary poıyzdy birden toqtata almaıdy. Poıyzdyń naqty belgilengen joly bar ekenin, ol burylyp kete almaıdy nemese kedergilerdi aınalyp óte almaıdy», - delingen aqparattyq habarlamada.