Jyl basynan beri 11 áskerı qyzmetshi qaıtys boldy
«Jyl basynan beri 11 áskerı qyzmetshi qaıtys boldy. Sonyń ishinde jeteýi alǵan jaraqatynan, al tórt adam naýqasyna baılanysty dúnıeden ótti. Osynyń arasynda merzimdi áskerı qyzmette bolǵan sarbazdardyń ekeýi kóz jumdy. Onyń biri qańtar aıynda parashıýtpen sekirý kezinde, ekinshisi - onkologııalyq aýrý saldarynan qaıtys boldy», - dedi Berik Іlııasov Senatta tilshiler suraǵyna jaýap bere otyryp.
Budan buryn habarlanǵandaı, 2020 jyldan bastap 270 áskerı qyzmetshi qaıtys boldy.
Ólim jaǵdaılarynyń eń kóp taraǵan sebepterine toqtalsaq, aýyryp qaıtys bolý – 36%, kólik apatynyń saldary – 24%, sýıtsıd – 20%.
Eske salsaq, 18 qańtar kúni Astana qalasynyń mańaıynda parashıýtpen josparly sekirý boıynsha oqý-jaýyngerlik tapsyrmalaryn oryndaý barysynda merzimdi qyzmettegi sarbaz qaza tapty.