Jyl basynan Atyraý kedenshileri 22 zań buzýshylyqty anyqtap, 72 mln. teńgeden astam aıyppul óndirdi

ASTANA. 16 naýryz. QazAqparat -  Atyraý oblysy boıynsha Kedendik baqylaý departamenti Post-kedendik baqylaý basqarmasymen 2012 jyldyń qańtar-aqpan aılarynda syrtqy ekonomıkalyq qatynasqa qatysýshylarǵa qatysty kedendik tekserý júrgizildi.

Nátıjesinde 70 mln. 752 myń 829 teńge kedendik tólemder men salyqtar qosymsha eseptelip, 124 mln. 405 myń 676 teńge óndirildi. Sonymen qatar, 2012 jyldyń qańtar - aqpan aılarynda Post-kedendik baqylaý nátıjesinde 22 keden isi zańdylyǵyn buzý faktileri anyqtaldy. Anyqtalǵan quqyq buzýshylyqtar boıynsha 72 mln.  810 myń teńge kóleminde ákimshilik aıyppul óndirildi. Bul týraly oblystyq Post-kedendik baqylaý basqarmasynan habarlandy.

«Atap aıtqanda, 2012 jyly Atyraý óńirindegi iri kásiporyndar bolyp tabylatyn 2 mekemege kedendik tekserister júrgizildi. Onyń  qortyndysy boıynsha 64 690 764 teńge bıýdjetke óndirilgen.

«Qazaqstan Respýblıkasynyń keden organdarynyń negizgi qurylymdyq salasy retinde post-kedendik baqylaýdyń maqsaty -  negizgi kedendik resimdeýden keıingi oryn alatyn quqyq buzýshylyqtardy anyqtaý bolyp tabylady. Sonymen qatar, quqyq buzýshylyqtyń oryn alý sebebin anyqtap, ony tekseriletin tulǵaǵa túsindirý, aldaǵy ýaqytta sol tektes quqyq buzýshylyqtardyń qaıtalanbaýy baǵytynda sharalar qabyldaý da mańyzdy. Osy negizinde bıýdjetke esepteletin kedendik tólemder men salyqtardyń tolyqtaı óz ýaqytynda óndirilýi qamtamasyz etiledi», - deıdi Atyraý oblysy boıynsha KBD Post-kedendik baqylaý basqarmasynyń  bastyǵy M. Aqulov.