Jyl basynan 21 myńnan astam baspana paıdalanýǵa berildi - mınıstrlik
«Kólik salasy boıynsha naqty kólem ındeksi 2020 jyldyń birinshi toqsanynda 98,7 paıyzdy qurady. Koronavırýs pandemııasyna baılanysty Qazaqstan Respýblıkasynyń aýmaǵynda avtobýspen, poıyzben jolaýshylar tasymaly, turaqty áýe qatynastary toqtatyldy. Bul rette, Qazaqstan arqyly konteınerlik tasymaldardyń jalpy kólemi ótken jyldyń sáıkes kezeńimen salystyrǵanda 7 paıyzǵa ulǵaıdy. Ol 149,3 myń 20 fýnttyq konteınerdi qurady», - dedi Beıbit Atamqulov.
Mınıstrdiń dereginshe, 2020 jyldyń qańtar-naýryz aılarynda qurylys boıynsha da naqty kólem ındeksi ósip, 111,7 paıyzdy qurady. 16 óńirde oń dınamıka baıqalady. Olardyń qatarynda Qaraǵandy, Batys Qazaqstan, Atyraý, Túrkistan jáne Aqmola oblystary kóshbasshy sanalyp otyr.
«2020 jyldyń birinshi toqsan qorytyndysy boıynsha 2 642 myń sharshy metr turǵyn úı paıdalanýǵa berildi. Ol 2019 jyldyń sáıkes kezeńimen salystyrǵanda 96,4 paıyzdy qurady. Jyldyq jospardyń oryndalýy - 18,7 paıyz. Respýblıka boıynsha barlyǵy 21 069 birlik baspana paıdalanýǵa berildi. Turǵyn úıdi paıdalanýǵa berý kóleminiń ulǵaıýy ótken jylmen salystyrǵanda respýblıkanyń 12 óńirinde baıqalady»,- dedi ol.