Jyl aıaǵyna deıin «Ortalyq – Ońtústik» dálizi boıynsha jol ýchaskeleri ashylady
«Rekonstrýktsııalaý boıynsha jumystar 17 jobada júrgizilip jatyr. Olar boıynsha 2024 jylǵa deıin iske asyrý merzimimen 3,6 myń shaqyrym jol qamtylyp otyr. «Ortalyq-Ońtústik» dálizin damytý aıasynda «Qaraǵandy-Balqash-Býrylbaıtal-Qurty-Qapshaǵaı» ýchaskelerin rekonstrýktsııalaý jalǵasyp keledi (946 shaqyrym, sonyń 543 shaqyrymy ashyldy). Qaraǵandy-Balqash (363 km) ýchaskesi boıynsha 281 shaqyrymda qozǵalys ashylǵan. Balqash-Býrylbaıtal-Qurty (516 km) ýchaskeleriniń 262 shaqyrymda kólik qozǵalysy jandandy. Bıyl Qurty-Qapshaǵaı (67 km) ýchaskesinde jumystar jalǵasady», - dedi A. Bekov Ortalyq kommýnıkatsııalar qyzmetindegi baspasóz máslıhatynda.
Onyń aıtýynsha, jyl aıaǵyna deıin «Ortalyq – Ońtústik» dálizi boıynsha tolyqtaı jol ýchaskelerin ashý josparlanyp otyr. Jalpy, bul joldar 2024 jyly paıdalanýǵa beriledi.
Budan buryn habarlanǵandaı, 2023 jyldyń qorytyndysy boıynsha normatıvtik jaǵdaıdaǵy joldardyń úlesi respýblıkalyq jeli boıynsha 92 paıyzǵa jáne jergilikti jeli boıynsha 87 paıyzǵa deıin jetkizilmek.