Jyl aıaǵyna deıin 3,6 myń astanalyq úlesker páter kiltin alady

ASTANA. QazAqparat – Astana qalasynyń ákimi Jeńis Qasymbek Esil aýdany turǵyndarymen kezdesip, suraqtaryna jaýap berip jatyr, dep habarlaıdy Qazaqparat tilshisi.

Kezdesý barysynda «Femıda» turǵyn úı kesheniniń úleskeri tıesili páterdiń qujattaryn alý muńǵa aınalǵanyn aıtyp, másele kóterdi.

Ákim óz jaýabynda keıingi 3 jylda qaladaǵy úleskerlerdiń úshten ekisine tıesili páteri berilgenin atap ótti.

«Osydan úsh jyl buryn qalada 16 myńdaı úlesker bolǵan. Qazir olardyń úshten ekisi tıesili páterlerin aldy. Ókinishke qaraı, «Femıda» turǵyn úı kesheni sııaqty quqyq belgileıtin qujattary tolyq berilmegen nysandar bar. Sonda bıylǵa shamamen 3,6 myń úlesker qalyp otyr. Olardyń bárine jyl aıaǵyna deıin úılerin salyp, kiltterin tabystaýymyz kerek», - dedi Jeńis Qasymbek.

Eske salaıyq, qala ákimi úleskeri joq, beıbereket salynyp jatqan turǵyn úılerdiń qurylysyn toqtatylatynyn aıtqan.