Júzýden Reseı chempıony Qazaqstan quramasyna aýysty

ASTANA. QazAqparat – Júzýden Reseı chempıony Sofııa Spodarenko Qazaqstan quramasyna aýysty, dep habarlaıdy QazAqparat tilshisi.

«Iá, bul aqparat ras», - dep qysqa qaıyrdy Sý sporty túrleri federatsııasynyń atqarýshy dırektory Rýslan Joldybaev.

Aıta keteıik, Sofııa Spodarenko Óskemen qalasynda dúnıege kelgen. Ákesi halyqaralyq sanattaǵy sport sheberi. Anasy da sportshy. Ol jeńil atletıkamen jáne fıtnespen aınalysqan.

2018 jyly Reseı chempıonatynda Sofııa batterflıamen 100 metrge júzeden 4-shi oryn alǵan bolatyn. Bul sol ýaqyttaǵy sportshynyń eń úzdik nátıjesi edi. Osydan keıin ol 50 metrlik qashyqtyqta júze bastady. Nátıjesinde ol 26,52 kórsetkishpen sporttyń mansab jolynda alǵash ret Reseı chempıony atandy.