Júzýden Belarýs týrnıri: Dıana Zlobına ekinshi «altyn» aldy
23:43, 04 Shilde 2019
NUR-SULTAN. QazAqparat - Júzýden Belarýstiń Brest qalasynda ótip jatqan halyqaralyq týrnırde Qazaqstan qorjyny taǵy bir «altynmen» tolyqty, dep habarlaıdy QazAqparat.
QR Ulttyq Olımpıadalyq komıtetinen málim etkendeı, búgin 200 metrge brass ádisimen júzýden Dıana Zlobına altyn júldeger atandy. Ol irikteý kezeńin tórtinshi orynmen aıaqtap, fınalǵa ótken bolatyn.
Bul, Dıananyń týrnırdegi ekinshi «altyny». Keshe qazaqstandyq sportshy 400 metrge keshendi ádispen júzýden jeńimpaz atanǵan edi.