Júzý: Qazaqstandyqtar Belarýstegi týrnırde taǵy eki altyn enshiledi
20:35, 06 Shilde 2019
NUR-SULTAN. QazAqparat - Belarýstiń Brest qalasynda ótip jatqan júzýden halyqaralyq týrnırde qazaqstandyq sportshylar taǵy eki altyn jeńip aldy, dep habarlaıdy Olympic.kz.
200 metrge erkin ádispen júzýden Dıana Zlobına altyn júldeger atandy. Bul Zlobınanyń Brest týrnırinde jeńip alǵan úshinshi altyn medali. Sondaı-aq, 200 metrge shalqalap júzýden Anastasııa Rezvantseva jeńimpaz atandy. Ekinshi jáne úshinshi oryndy belarýstik Arına Matskevıch pen Anna Severın ıelendi.