Jýyrda oıýdyń 700-den astam túri engizilgen jınaq shyǵaramyz - Erlan Qarın

ASTANA. QazAqparat – Jýyrda oıýlardyń katalogi shyǵady. Jınaqqa oıýdyń 700-den astam túri engizilgen, dep habarlaıdy QazAqparat QR Memlekettik keńesshisi Erlan Qarınniń áleýmettik jelidegi paraqshasyna silteme jasap.

«Qazaq mádenıeti men óneriniń jumbaǵy tolyq ashylmaǵan baǵyttarynyń biri – oıý-órnek. Tipti, oıýlardy jeke bir álem dep aıtsaq ta bolady. Ár oıýdyń óz ataýy men maǵynasy bar, al bir-birimen jalǵasqanda olar bir jasyryn úndeý sekildi mazmun berýi múmkin. Balbaltastardy sýretke túsirip júrgenimde oıý taqyryby da kenet qyzyqtyryp, on jyl osy baǵytta izdendim. Sol izdenistiń bir nátıjesi retinde jýyrda oıýlardyń katalogin shyǵaramyz. Bul jınaqqa oıýdyń 700-den astam túri engizildi», - dep jazady Erlan Qarın.