Júsipbek Aımaýytov ashqan keshenniń ornyna belgitas qoıyldy

<p>PAVLODAR. KAZINFORM &ndash; Alash qaıratkeri Júsipbek Aımaýytov Baıanaýyl aýdanynda &laquo;Mádenı kindik&raquo; atty rýhanı tárbıe jáne bilim berý keshenin ashýǵa uıytqy bolǵan. Qazaq dalasyn jut jaılap, jetim-jesir kóbeıgende Júsipbektiń aıtýymen eldiń bas kóterer azamattary balalardy Qyzyltaý óńirine jınapty. Bul týraly <a href="https://24.kz/kz/zha-aly-tar/bilim-zh-ne-ylym/item/668354-zh-sipbek-ajmauytov-ash-an-keshenni-ornyna-belgitas-ojyldy" target="_blank" rel="noopener">24.kz</a> habarlady.&nbsp;</p>

Mádenı kindikte áýeli mektep ǵımaraty, keıin qyzdar men er balalardyń jataqhanasy, kitaphana men azyq-túlik saqtaıtyn birneshe qoıma salynǵan eken. Bıyl Júsipbek Aımaýytovtyń týǵanyna 135 jyl toldy. Osyǵan oraı «Mádenı kindik» ornalasqan jerge belgitas qoıyldy. Júsipbek Aımaýytov Semeı gýbernııalyq oqý bóliminde qyzmet ete júrip, Baıanaýyl aýmaǵynda mektep ashý týraly ıdeıa tastaıdy. Bul Keńes úkimeti ornap, medreselerdiń jappaı jabylǵan kezi bolatyn. Qolynda maly bar aýqatty adamdardyń kómegimen oqý qalashyǵy paıda bolady. Іrgesi 2 jylda qalanyp, 10 jylǵa jýyq qyzmet etken oqý ordasynyń túlekteri bilimderin Orynborda jalǵastyrady.

— 1922 jyldyń jazynda birinshi oqý bastalǵan eken, 1929 jylǵa deıin istep, 1928 jyly Júsipbek Aımaýytov Alash Orda múshesi retinde ustalǵannan keıin osy kisi Alash ıdeıasyn oqytyp jatyr degen jeleýmen bul jerdiń mektebiniń birte-birte máni joǵalyp, muǵalimderdiń barlyǵy qýdalaýǵa túskennen keıin ol kisi ketip qalǵanda dárejesi birte-birte tómendep, áýeli bastaýysh mektepke túsken. Ramazan Nurǵalıevtiń aıtýynsha, oqý kesheni kóp uzamaı jumysyn birjolata toqtatady. Bos qalǵan ǵımarattar sıyr, qoı fermalaryna aınalady. Al 1954 jyly onda tyń ıgerýge kelgen brıgadalar qonystanady, — Baıanaýyl aýdanynyń turǵyny Ramazan Nurǵalıev. 

«Mádenı kindik» oqý qalashyǵyna belgitas qoıý týraly usynys Júsipbek Aımaýytovtyń 130 jyldyǵynda túsken. Júsipbek oqýlaryna kelgen ǵalymdar tarıhı jerdi aralaǵan.

— Alǵashqy ret osy jerge kelip, «Men osy jerde oqyp edim, sonyń báriniń ornyn kórýge keldim, meniń balalyq shaǵym osy jerde ótti», — dep 2000 jylda bizdiń Baıannan shyqqan ishki ister salasynyń 7 generalynyń bireýi — Samat Bakırov. Ádeıi arnaıy keldi osynda, - deıdi Baıanaýyl aýdanynyń turǵyny Ramazan Nurǵalıev.

Buqar jyraý atyndaǵy ádebıet jáne óner mýzeıiniń qyzmetkerleri atalǵan belgitastyń maketin jasaǵan.  

— Bul bizge óte bir sondaı tamasha jańalyq boldy dep oılaımyn. Muny basynda biz estigenbiz. Degenmen de qaı jer ekenin bilgenimiz joq. Endi jańa bizge kórsetip otyrsa, mekteptiń orny, jańaǵy barlyq myna dómbeshikterdiń barlyǵy jataqhana, ákimshilik, jertóle, qoımada bolǵan eken ǵoı. Sonyń bárin qoldan istegen, sol jerge tamaqtaryn qoıǵan ǵoı. Barlyǵy rettep istelgen, kórdińiz be? Onyń ózi — tarıhı qundylyq, — deıdi J. Aımaýytov atyndaǵy jalpy orta bilim berý mektebi dırektorynyń orynbasary Saltanat Sársenbaıqyzy. 

Júsipbek Aımaýytov mektebiniń ustazdary men oqýshylary: «Mádenı kindik» týraly zertteý jumystaryn bastamaqshy. Olar ǵylymı eńbekterge arqaý bolatyn tyń derekter tabylady degen senimde.