Jýrnalıstiń aqıqattan aınýǵa quqyǵy joq - Prezıdent

ASTANA. qazAqparat - Ár zamannyń aıtar sózi, kózdegen maqsaty bolady. Qalam ustaǵan qaýym jeke basynyń nemese bir toptyń emes, eldiń máselesin kóteredi. Bul – ótken ǵasyrda «Qazaq» gazetiniń aıasynda uıysqan Alash zııalylarynan bastaý alǵan uly mıssııa. Bul pikirdi Prezıdent BAQ salasyndaǵy syılyqtar men granttardy tapsyrý kezinde aıtty, dep habarlaıdy QazAqparat.

Qasym-Jomart Toqaevtyń paıymynsha, atalǵan mindetti abyroımen atqarý úshin ár jýrnalıstiń boıynda izdenimpazdyq, jaýapkershilik jáne tabandylyq bolýy qajet.

«Sebebi aqıqat joly – ońaı jol emes.

Al jýrnalıstiń aqıqattan aınýǵa quqyǵy joq. Shyndyq pen shynaıylyq basty qaǵıda bolýy kerek. ıAǵnı, aqparat arnasy adaldyq alańyna aınalýǵa tıis», - dedi Memleket basshysy.

Ol búginde elimiz damýdyń jańa kezeńine kóshkenin de atap ótti. Sońǵy bir jylda qolǵa alynǵan reformalar saıası júıeni jetildirip, tyń ózgeristerge jol ashty.

»Memleket, medıa jáne qoǵam arasyndaǵy kelisim Ádiletti Qazaqstannyń berik irgetasyna aınalýǵa tıis.

Bul kelisim ashyqtyq, senim jáne adaldyq qaǵıdalaryna negizdelýi qajet. Ár azamat, ár maman óz isine adal bolsa, qoǵamnyń senimi artady. Al senim men adaldyq – Ádiletti qoǵamnyń basty qundylyqtary», - dedi Prezıdent.