Jýrnalısterdi akkredıtteýdiń jańa erejesiniń jobasy tanystyryldy

NUR-SULTAN. QazAqparat - 2020 jylǵy 28 qazanda áleýmettik jelilerde onlaın-translıatsııasy bar «Jańa reporter» alańynda Aqparat jáne qoǵamdyq damý vıtse-mınıstri Kemelbek Oıshybaev Jýrnalısterdi akkredıtteý erejeleriniń jańa jobasyn tanystyrdy, dep habarlaıdy QR aqparat jáne qoǵamdyq damý mınıstrliginiń baspasóz qyzmeti.

Ereje jobasyn talqylaýǵa «Internıýs» zańgeri Olga Dıdenko, «Informbıýro» bas redaktory Mıhaıl Dorofeev qatysty. Talqylaýdy belgili jýrnalıst jáne medıa sarapshy Erjan Súleımenov júrgizdi.

Vıtse-mınıstr Q.Oıshybaev jýrnalısterdiń akkredıtteý protsedýrasynan ótý jáne jeńildetýge baǵyttalǵan jańa Erejede qarastyrylǵan birqatar jańalyqtar týraly habarlady.

Atap aıtqanda, atalǵan novellalar turaqty jáne ýaqytsha akkredıtteýdi engizýdi, jýrnalısti akkredıtteý úshin usynylatyn qujattar tizbesin jáne olardy qaraý merzimin qysqartýdy, akkredıttelgen jýrnalısterdiń tizilimin engizýdi, akkredıtteýshi uıymnyń is-sharalardy aldyn ala habarlaý jónindegi mindetterin, jýrnalıstiń kýáligin sıpattaýdy, sondaı-aq akkredıtteýshi uıymnyń zańsyz is-áreketterine nemese áreketsizdigine shaǵymdaný múmkindigin kózdeıdi.

Onlaın-translıatsııa barysynda áleýmettik jelilerdi paıdalanýshylardan jýrnalısterdi akkredıtteýdiń jańa júıesiniń odan ári jumys isteýi boıynsha birqatar suraqtar men usynystar aıtyldy, olarǵa tolyq jaýaptar berildi.

Qatysýshylar osy Erejeniń ázirlenýine rızashylyqtaryn bildirdi. Olardyń pikirinshe, Ereje jýrnalısterdiń qyzmetine oń áser etetin tıisti rásimder men sharttardy engizedi.

Talqylaý sońynda vıtse-mınıstr jańa júıeniń jumys isteýi 2021 jyldyń qańtarynan bastalatynyn atap ótti.