Jýrnalısterdi akkredıtteý tártibi ózgeredi
Jýrnalısterdi akkredıtteýdiń jańa qaǵıdalary «Mass-medıa týraly» Qazaqstan Respýblıkasy Zańynyń 28-babynyń 1-tarmaǵyna sáıkes ázirlendi.
«Akkredıtteýshi uıym qyzmetiniń ereksheligin eskere otyryp, jýrnalısterdi akkredıtteýdi júrgizýge ótinishterdi qabyldaý jáne qaraý tártibin, onyń ishinde merzimin de belgileıdi», - delingen qaýlynyń túsindirme jazbasynda.
Akkredıttelgen BAQ ókilderi kelesi sharttardy saqtaýy tıis:
– akkredıttelgen memlekettik organdar men uıymdardan alynǵan aqparatty onyń atynan akkredıtteýge tıisti ótinish kelip túsken buqaralyq aqparat quraldarynda ǵana jınaý jáne taratý;
– akkredıtteýshi uıym júrgizetin is-sharalar reglamentiniń saqtalýy;
– asa mańyzdy memlekettik obektiler men strategııalyq obektilerdiń ótkizý jáne ishki rejımin saqtaý.
Qandaı jaǵdaıda akkredıtteýden bas tartýy múmkin:
– buqaralyq aqparat quralynyń ónimin taratýdy ne buqaralyq aqparat quralyn shyǵarýdy toqtata turý ne toqtatý týraly zańdy kúshine engen sot sheshiminiń bolýy;
– akkredıtteý tártibinde kórsetilgen qujattardy usynbaý;
– esepke qoıylǵan buqaralyq aqparat quraldarynyń tiziminde bolmaýy.
«Jýrnalısterdi akkredıtteýdiń ońaılatylǵan tártibi biryńǵaı medıa platforma arqyly júzege asyrylady. Sondaı-aq, medıa platformada qazaq jáne orys tilderinde akkredıtteýdi júrgizýge ótinishterdi qabyldaýdy bastaý týraly habarlandyrý ornalastyrylady. Jýrnalısterge «Mass-medıa týraly» Qazaqstan Respýblıkasy Zańynyń 28-babynyń 1-tarmaǵyna sáıkes mass-medıa salasyndaǵy ýákiletti organ aıqyndaıtyn tártippen akkredıtteý kartalary beriledi», - degen túsinikteme berilgen jobada.
Qaýly jobasy 1 tamyzǵa deıin qoǵam talqysyna usynylyp otyr.
Eske sala ketsek, Memleket basshysy 19 maýsymda «Mass-medıa týraly» zańǵa qol qoıǵan edi.