Jýrnalıster men áleýmettik jeli belsendileri arasynda «Túrkistandy birge túleteıik» baıqaýy ótkiziledi
Uıymdastyrýshylardyń aıtýynsha, jańa oblys ortalyǵy - Túrkistan qalasyn túrki áleminiń rýhanı mekenine aınaldyryp, týrısterdi tartý maqsatynda barlyq salada túbegeıli betburys jasalyp, aýqymdy jumystar atqarylýda. Kóne shahardy damytýdyń keshendi josparlary men ońtaıly ózgeristerin keń kólemde nasıhattaý turǵysynda oblys ákimdigi qoldaýymen «Túrkistandy birge túleteıik» respýblıkalyq baıqaýy ótkiziledi.
2019 jyldyń 1 aqpany men 10 maýsym aralyǵynda ótetin sharaǵa kásibı jýrnalıster men áleýmettik jeli belsendileri qatysyp, avtorlyq maqalalar men beınetúsirilimderin joldaı alady.
Usynylǵan jumystar úzdik gazet pen saıt materıaldary, áleýmettik jelidegi jarııalanymdar (Feısbýk pen Instagram), YouTube vıdeohostıngindegi ımıjdik beınetúsirilim atalymdary boıynsha qarastyrylady. Sondaı-aq, materıaldardyń sany men kólemine shekteý qoıylmaıdy. Áleýmettik jelidegi taralymy men sapasyna, mazmunyna mán beriledi.
Materıaldar men jazbalar áleýmettik jelide #Túrkistandy birge túleteıik heshtegimen jarııalanyp, siltemesi qanshaiym777@gmail.com poshtasyna jiberilýi tıis. Áleýmettik jelini paıdalaný etıkasy men quqyqtyq erejeler saqtalýy mindetti.
«Júldegerler ár atalym boıynsha marapattalady. І-orynǵa - 350 myń teńge, ІІ-oryn - 250 myń teńge, ІІІ-orynǵa - 150 myń teńge beriledi. Úzdik shyqqan 9 jeńimpaz Túrkistan qalasynda ótetin marapattaý rásimine shaqyrylyp, oblys kóleminde josparlanǵan press-týrǵa qatysady», - delingen habarlamada.