Jýrnalıster kúni qarsańynda «Soyle.kz» portaly týraly úzdik maqalaǵa baıqaý jarııalanady

ASTANA. QazAqparat - Memlekettik tildi damytý qory Qazaqstandaǵy eń alǵashqy qazaq tilin tegin úıretetin www.soyle.kz onlaın kýrsynyń jumysy týraly úzdik maqalaǵa baıqaý jarııalaıdy. Baıqaýdyń maqsaty oqyrmandardy memlekettik tildi úırenýge tartý jáne osy portalmen kópshilikti tanystyrý.

Bul týraly Memlekettik tildi damytý qorynyń baspasóz qyzmetinen habarlady.

Baıqaýǵa kásipqoı jýrnalıstermen qatar www.soyle.kz resýrsy arqyly memlekettik tildi úırenip júrgen kez kelgen paıdalanýshy qatysa alady. Avtorlar óz maqalalarynda osy portalmen qazaq tilin úırenip júrgen óz tájirıbeleri týraly bólisýi kerek. Baıqaýǵa jiberilgen jumystar 2014 jyldyń 1 shildesinen 20 qyrkúıegi arasynda baspasóz betterinde jarııalanýy kerek. Úzdik maqala avtorlary baǵaly syılyqtarmen marapattalady. Baıqaý sharttary týraly qosymsha aqparatpen www.qazaq-found.kz jáne www.soyle.kz saıttarynda nemese http://vk.com/soyle_kz, on.fb.me/1mIhFZR siltemelerimen ótip tanysa alasyzdar.

Baıqaý jeńimpazdary 2014 jyldyń 22 qyrkúıegi, Qazaqstan halqynyń tilderi merekesi kúni qarsańynda anyqtalady. Anyqtama: 2013 jyldyń aıaǵynda Qor Qazaqstanda tuńǵysh ret qazaq tilin onlaın rejıminde tegin úıretetin www.soyle.kz portalyn iske qosqan bolatyn. Ashylǵaly jarty jyldyń ishinde portalmen elimiz ben alys-jaqyn shetelderden 100 000 astam adam tanysyp, 10 000-nan astamy tirkelip, qazaqsha úırenýge kiristi. Bul portaldyń ashylýyna QR Tuńǵysh Prezıdenti - Elbasynyń qory, «Samuryq-Qazyna» AQ jáne «Samsung Electronics» kompanııasy qoldaý kórsetti.