Jýrnalıster qarýlanǵan qaqtyǵys aımaǵynda jumys isteýge daıyndyqtan ótýi múmkin
«Qorǵanys mınıstrliginde Sizderdiń azamattyq adamdardy 1 aıdan 3 aıǵa deıingi merzimge merzimdi áskerı qyzmet ótkerý sharttarynda áskerı qyzmetke qabyldaý týraly suraý salýlaryńyz qaraldy. Qorǵanys mınıstrligi Qarýly Kúshterdiń oń beınesin qalyptastyrý jáne qoldaý maqsatynda áskerdiń tirshilik áreketin jarııa etý boıynsha aqparattyq jumysty udaıy negizde júrgizýde. 2023 jyldyń tek ótken kezeńi boıynsha Qarýly kúshter týraly 6 369 aqparattyq materıal shyǵaryldy», – dep atap ótedi Rýslan Jaqsylyqov.
Sonymen qatar, mınıstr azamattyq adamdardy merzimdi áskerı qyzmet ótkerý sharttarynda áskerı qyzmetke qabyldaý máselesin iske asyrý úshin mynalar qajet etiletindigine nazar aýdartady:
1) «Áskerı qyzmet jáne áskerı qyzmetshilerdiń mártebesi týraly» Zańǵa, «Qazaqstan Respýblıkasynyń qorǵanysy jáne Qarýly Kúshteri týraly» Zańǵa, «Qazaqstan Respýblıkasynyń Qarýly Kúshterinde, basqa da áskerleri men áskerı quralymdarynda áskerı qyzmet ótkerý qaǵıdalaryn bekitý týraly» Qazaqstan Respýblıkasy Prezıdentiniń 2006 jylǵy 25 mamyrdaǵy № 124 Jarlyǵyna, «Qazaqstan Respýblıkasynyń azamattaryn áskerı qyzmetke shaqyrýdy uıymdastyrý men júrgizý qaǵıdalaryn bekitý týraly» Qazaqstan Respýblıkasy Úkimetiniń 2012 jylǵy 15 mamyrdaǵy № 620 qaýlysyna olardy áskerge shaqyrý boıynsha ózgerister men tolyqtyrýlar engizý;
2) «bloger» statýsyn berý tártibin aıqyndaý;
3) osy máseleni qarjylyq qamtamasyz etý;
4) azamattyq adamdardy jaýyngerlik daıarlaý, onyń ishinde olardy áskerı antqa keltirý baǵdarlamasy;
5) qatardaǵy jaýynger bos laýazymdaryna taǵaıyndaý;
6) tamaqtandyrýdy uıymdastyrý, kıim-keshek múlkimen jáne jabdyqpen qamtamasyz etý;
7) olardy ornalastyrý úshin bos turmystyq-kazarmalyq qordyń bolýy jáne t.b.
«QR Konstıtýtsııasynyń 14-babyna sáıkes Zań men sot aldynda jurttyń bári teń jáne kez kelgen ózge jaǵdaıattar boıynsha eshkimdi eshqandaı kemsitýge bolmaıtynyn atap ótý qajet. Osyǵan baılanysty, osy máseleni iske asyrý áskerge shaqyrylýshylar arasynda merzimdi áskerı qyzmet ótkerý merzimimen baılanysty áleýmettik teńsizdikke yqpal etýi múmkin. Joǵaryda mazmundalǵannyń negizinde jáne osy máseleniń bir rettik sıpatyn eskere otyryp, respýblıkalyq jáne óńirlik BAQ ókilderiniń jáne blogerlerdiń qatysýymen «Áskerı dıskýrs» ekstremaldy jýrnalıstıka boıynsha oqý-praktıkalyq semınar ótkizýdi usynamyz», - dedi ol.
Onyń atap ótýinshe, semınardyń maqsaty jýrnalıster men blogerlerdi ekstremaldy jaǵdaıda jáne qarýlanǵan qaqtyǵys aımaǵynda jumys isteýge daıyndaý, sondaı-aq Qorǵanys mınıstrliginiń múddesinde odan ári aqparattyq jumysty júrgizý úshin baılanys ornatý jáne nyǵaıtý bolyp tabylady.
«Oqytý barysynda qatysýshylar tájirıbeli áskerı mamandardan paıdaly bilim jáne praktıkalyq daǵdy alady. Osyndaı formattaǵy is-shara beıresmı jaǵdaıda buqaralyq aqparat quraldary ókilderimen tyǵyz qarym-qatynas ornatýǵa yqpal etetinin atap ótý qajet», - dedi Rýslan Jaqsylyqov.