Jýrnalıster ǵaryshkerlerdiń ǵarysh aılaǵyndaǵy bir kúndik ómirin kórip qaıtty (FOTO)

BAIQOŃYR. QazAqparat - «Soıýz TMA-13M» kemesiniń negizgi jáne qosymsha ekıpajynyń músheleri ushar aldynda Baıqońyr ǵarysh aılaǵynda «Baspasóz kúnin» uıymdastyrdy.

«Ashyq esik» kúninde Baıqońyr ǵarysh aılaǵynyń 17 alańynda BAQ ókilderine Baıqońyr ǵarysh aılaǵyndaǵy ıÝ.A.Gagarın atyndaǵy ǵaryshkerlerdi daıyndaý ortalyǵynyń oqý-jattyǵý kesheninde ekıpajdyń bir kúndik ómirin kórsetti.

Roskosmos ǵaryshkerleri Maksım Sýraev, Anton Shkaplerov pen olardyń áriptesteri - NASA astronavttary Rıd Vaızman men Terrı Verts, Eýropalyq ǵarysh agenttiginiń astronavttary Aleksandr Gerst pen Samanta Krıstoforettı jýrnalıster úshin TPK «Soıýz TMA-13M» bortynyń qujattaryn zertteý boıynsha ashyq jattyǵý ótkizdi.

Baspasózdiń qatysýymen ǵaryshkerler taǵy bir dástúrli shara ótkizdi. Olar ǵaryshkerler alleıasyna aǵash otyrǵyzdy.

Negizgi ekıpaj komandıri Maksım Sýraev óz aǵashyn 2009 jyly otyrǵyzǵan, endi ol áriptesteri amerıkandyq astronavt Rıd Vaızman men EǴA astronavt Aleksandr Gerstke Baıqońyrdaǵy ataqty ǵaryshkerler alleıasynda óz kóshetterin otyrǵyzýǵa kómektesti.

Roskosmos baspasóz qyzmetiniń habarlaýynsha, negizgi ekıpajdyń - Maksım Sýraev (Roskosmos), bortınjenerler - astronavttar Rıd Vaızman (NASA), Aleksandr Gersttiń (EKA), sondaı-aq olardyń dýblerleri Anton Shkaplerov (Roskosmos), Samanta Krıstoforettı (EǴA) jáne Terrı Vertstiń (NASA) ushar aldyndaǵy daıyndyǵy kestege sáıkes júrgizýde.

«Soıýz TMA-13 M» kemesiniń Baıqońyr ǵarysh aılaǵynan HǴS ushyrylýy 2014 jyldyń 28 mamyryna josparlanǵan.