Jýrnalıster arasyndaǵy «Úrker» syılyǵyna 200-den astam ótinim kelip tústi
«Medıa damytý qorynyń» málimetinshe, osy kúnge deıin arnaıy qurylǵan komıssııa 200-den astam ótinimdi qabyldaǵan.
Bıylǵy statıstıka kórsetip otyrǵandaı, eń kóp ótinim «Jyl tanymdyq materıaly», «Jyl suhbaty», «Jyl reportajy», «Jyl analıtıkalyq materıaly» nomınatsııalary boıynsha kelip tústi.
Konkýrstyq jumystardy saralap, ádil baǵasyn beretin táýelsiz qazylar alqasynyń quramyna elimizdiń bedeldi jýrnalısteri, salanyń eńbek sińirgen qaıratkerleri jáne bıyl alǵash ret halyqaralyq medıa-sarapshylar endi.
Qazylar alqasynyń biri, halyqaralyq medıa-menedjer, «Detaly.co.i» ızraıldik saıtynyń bas redaktory Emıl Shleımovıch konkýrs týraly pikirin bólisti.
«Jeke óz basym buǵan deıin jýrnalıstik baıqaýlardyń qazylar alqasy quramynda bolyp kórmedim. Bul tájirıbe men úshin qyzyqty ári qundy tájirıbe bolmaq. Jýrnalıster qaýymy úshin arnalǵan atalmysh báıge mańyzdy dep bilemin, óıtkeni táýelsiz memleketterde BAQ-ta jumys isteıtin jýrnalısterdiń eńbegin obektıvti baǵalaý qanshalyqty mańyzdy ekenin túsinemin. Jalpy, óz basym ózge elderdegi barlyq jýrnalısterge qurmetpen qaraımyn, sebebi - biz áriptestermiz. Qazaqstan jas memleket. Soǵan qaramastan sizdiń medıa sala básekege qabiletti jáne eldiń Orta Azııadaǵy memleketterdiń arasynda jetekshi rol alatynyn da moıyndaımyn. Barlyq áriptesterime jáne baıqaýǵa qatysýshylarǵa – kásibı shyńdardy, tehnıkalyq jáne qarjylyq damýdy, óz qyzmetterin oryndaý barysynda barynsha qaýipsizdikti shyn júrekten tileımin» deıdi ol.
Qazylar alqasy baspa, radıo jáne ınternet-jýrnalıstıka salasyndaǵy eń myqty mamandardy anyqtap, 13 qarashada marapattaý rásiminde jeńimpazdardyń esimin jarııalaıdy.