Jýrnalıster arasynda shyǵarmashylyq baıqaý jarııalandy
«Qazaqstannyń Damý banki» AQ (budan ári - Bank, QDB) «Nurly jol» baǵdarlamasy jáne Qazaqstan Respýblıkasyn ındýstrııalyq-ınnovatsııalyq damytýdyń 2015-2019 jyldarǵa arnalǵan memlekettik baǵdarlamasy (IIDMB-2) aıasynda QDB jelisi boıynsha qarjylandyrylǵan jobalar týraly úzdik materıalǵa tilshiler arasynda baıqaý ótkizip jatyr.
Baıqaýdyń maqsaty - iri ındýstrııalyq jobalardy júzege asyrý máselelerin, sondaı-aq Qazaqstannyń qarjy naryǵyndaǵy oqıǵalardy kórsetetin tilshiler men redaktsııa ujymdarynyń shyǵarmashylyq qyzmetin baǵalaý.
Materıaldar taqyryptyń ózektiligi men mańyzdylyǵy, materıaldy ashýdyń tolyqtyǵy, stılıstıka jáne mazmundaý tiliniń aıqyndyǵy sııaqty belgiler boıynsha eksheledi. Baıqaýdyń qazylar alqasy QDB jáne buqaralyq aqparat quraldary ókilderinen quralǵan.
Jeńimpazdar kelesi nomınatsııalar boıynsha anyqtalady: «Úzdik sıýjet», «Úzdik reportaj», «Óńirlik BAQ-taǵy úzdik materıal». Budan ózge, «QDB qyzmetin belsendi jáne bilikti kórsetkeni úshin» arnaıy nomınatsııasy tabystalady.
Oǵan qosa, syıaqy mólsheri kez kelgen úsh nomınatsııa boıynsha 150 myń teńgeni, arnaıy nomınatsııa boıynsha - 250 myń teńgeni quraıdy.
Baıqaýǵa qatysýǵa 2016 jylǵy 1 qańtardan bastap 1 jeltoqsanǵa deıingi kezeńde baspa, BAQ-da nemese ınternet resýrstarda, tele nemese radıoarnalarda efırde jarııalanǵan nemese shyqqan jumystar qabyldanady.
Baıqaý materıaldary 2016 jylǵy 26 shildeden bastap 01 jeltoqsanǵa deıin myna meken-jaı boıynsha usynylady: 010000, Astana q., Orynbor kósh., 10, «Qazyna Taýer» ǵımaraty nemese «Tilshiler baıqaýyna» belgisimen pressa@kdb.kz elektrondy poshtasyna.
Baıqaý jaıly tolyq málimetti 8 (7172) 792608 telefonynan nemese www.kdb.kz saıtynan ala alasyzdar.