Jýrnalıst Nurbek Ámısha «Qyzylorda» telearnasynyń dırektory bolyp taǵaıyndaldy

<p>Nurbek Ámısha &laquo;Qazaqstan&raquo; teleradıokorporatsııasynyń aımaqtyq &laquo;Qyzylorda&raquo; telearnasynyń dırektory bolyp taǵaıyndaldy. Bul týraly <a href="https://kaz.inform.kz/" target="_blank" rel="noopener">Kazinform</a>&nbsp;<a href="https://qazaqstan.tv/" target="_blank" rel="noopener">Qazaqstan</a> telearnasyna silteme jasap habarlaıdy.&nbsp;</p>

N.Ámısha buǵan deıin QR Mádenıet jáne aqparat mınıstrliginiń baspasóz hatshysy qyzmetin atqardy. «Bolashaq» baǵdarlamasynyń túlegi. Qorqyt ata atyndaǵy Qyzylorda ýnıversıtetin, Ulybrıtanııanyń University of Leeds oqý ornyn támamdaǵan. 

Saladaǵy qyzmetin aımaqtyq basylymdarda tilshilikten bastap, 2007-2009 jyldary «Aıqyn» respýblıkalyq gazetiniń Qyzylorda oblysyndaǵy menshikti tilshisi, 2009-2011 jyldary «Qyzylorda» telearnasynyń redaktory, 10 jylǵa jýyq ýaqyt «Habar» agenttiginde redaktor, prodıýser jáne Bas redaktor bolyp eńbek etti. 

Al telearnany 20 jyldaı ýaqyt basqarǵan Jaǵyppar Qarabala búgin zeınet demalysyna shyqty. Basqarma tóraıymy Lázzat Tanysbaı Jaǵypar Qarabalanyń aımaqtyq telearnanyń damýyna sińirgen eńbegi úshin alǵys bildirdi.