Júrgizýshi kýáligine emtıhan tapsyrǵan shymkenttikke tanysy terezeden durys jaýapty aıtyp otyrǵan

<p>Qazaqstanda bir aıdyń ishinde mamandandyrylǵan HQO-larda 66 teorııalyq emtıhan nátıjesiniń kúshi joıyldy, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

«Azamattarǵa arnalǵan úkimet» memlekettik korporatsııasy KEAQ-tyń baspasóz qyzmetinen málim etkendeı, teorııalyq emtıhan tapsyrý úshin JJE 3.0 jańa júıesi engeli beri tekseris erejeleri kúsheıtildi.

Nátıjesinde Shymkentte, Túrkistan, Aqtóbe jáne Almaty oblystarynda emtıhan tapsyrý erejesin buzǵan azamattardyń emtıhan nátıjesi kúshin joıdy.

Jańa júıeniń arqasynda memlekettik korporatsııanyń mamandary qyzmet alýshylardyń emtıhan barysynda jeke kompıýterlerge qashyqtyqtan qosylýǵa múmkindik beretin mıkroqulaqqaptardy, HDMI splıtterdi qoldanǵany týraly derekterdi anyqtady.

Sonymen qatar qoldanýǵa tyıym salynǵan qurylǵylardy kıimniń jeńine, ne elektrondy qurylǵylar ornatylǵan kıimmen kirýge tyrysqan.

Máselen, Shymkent qalasynda emtıhan tapsyrýshy úshinshi tulǵanyń kómegine júgingen.

Ol jaqyn ornalasqan terezeni qaǵý arqyly durys jaýapty bildirtip otyrǵan.

Júıe emtıhan tapsyrýshynyń qımyl-qozǵalysyn, terezege jıi nazar aýdaratynyn anyqtasa, aýdıojazba tereze tustan kelgen dybystardy tirkegen.

Saldarynan emtıhan nátıjesi eseptelmeı, kúshin joıdy.

«Jańa júıe bıyl 16 qazan kúni Qazaqstan aýmaǵyndaǵy 83 emtıhan synybyna engizilgen. Osy aralyqta emtıhandy sátti tapsyrǵany týraly nátıjeler sany eki esege azaıǵan. Bul – júrgizýshi kýáligin jol júrý erejelerin jaqsy meńgergen azamattardyń alyp jatqandyǵyn dáleldeıtin kórsetkish», - dep atap ótti memlekettik korporatsııanyń basqarma tóraǵasynyń orynbasary Shyńǵys Orazalımov.

Aıta keteıik, emtıhan nátıjesi joıylǵan azamattar emtıhandy qaıta tapsyrýǵa tek 3 aıdan keıin ǵana jazyla alady.

Jyl basynan beri elimizde bir mıllıonnan astam júrgizýshi kýáligi berilgen.